«Qazaq Motsarty» Italııada jańa shyǵarmasyn tanystyrdy

NUR-SULTAN. QazAqparat – Italııada qazaqstandyq jas kompozıtor Rahat-Bı Ábdisaǵınniń jańa shyǵarmasy tanystyryldy, dep habarlaıdy QazAqparat.

Italııanyń Mılan qalasynda Rahat-Bı Abdysaǵınnyń «Sezilmeıtin juldyzdar serenadasy» týyndysynyń álemdik tusaýkeseri ótti.

Eske sala ketsek, buǵan deıin 20 jastaǵy Rahat-Bı Ábdisaǵın Italııadaǵy Santa Chechılııa akademııasynyń doktorantýrasyn bitirgen edi.

Sonymen birge, R. Ábdisaǵın – Qazaqstannyń 100 jańa esimi» baıqaýynyń jeńimpazy. Ol 10 jasynan beri án jazýmen shuǵyldanady. Onyń týyndylary Italııa, Aýstrııa, Frantsııa, Anglııa, Germanııa, Shveıtsarııa, Ispanııa, Chehııa, Túrkııa, Qytaı, AQSh elderinde qoıylǵan.

Rahat-Bı birqatar ǵylymı maqalalar men kitaptar shyǵarǵan, 14 jasynda «Matematıka jáne zamanaýı mýzyka» eńbegin jazǵan. Qazaq, orys, aǵylshyn, ıtalıan jáne ıspan tilderin meńgergen.