Qazaq kúresinen «Qazaqstan Barysy - 2025» týrnıri bastaldy
ASTANA. KAZINFORM – Búgin elorda tórindegi Jaqsylyq Úshkempirov atyndaǵy jekpe-jek saraıynda qazaq kúresinen Respýblıka kúnine oraı úıymdastyrylyp jatqan «Qazaqstan Barysy - 2025» týrnıri bastaldy.
Osymen 14-shi márte alaýy tutanǵan alaman dodaǵa jalpy 43 balýan qatysyp, ózara myqtyny anyqtamaq.
Atalǵan týrnırge oblystyq jarystardyń qorytyndysy boıynsha iriktelgen elimizdiń eń myqty balýandary shaqyrtý alǵan bolatyn. Olar elimizdiń 17 oblysy men respýblıkalyq mańyzy bar 3 qala - Astana, Almaty jáne Shymkent qalalarynan kelip, óz óńirleriniń namysyn qorǵaıdy.
Sondaı-aq, týrnırge ótken jylǵy «Qazaqstan Barysy» jeńimpazy men «Ásker Barysy» básekesiniń eki balýany da synǵa túsedi.
Bıylǵy týrnırdiń jalpy júlde qory 27 000 000 teńge. 1-oryndy jeńip alǵan balýan 15 000 000 teńge, altyn taıtuıaq jáne altyn belbeý ıegeri atanady.
Al 2-oryn úshin — 3 300 000 teńge. 3-oryn úshin — 1 080 000 teńge qarastyrylǵan.
Sonymen qatar, jarys barysynda ár beldesý saıyn jeńiske jetken balýandar 100 000 teńgege ıe bolyp otyrady.
Taǵy bir aıta keterligi jeńimpaz jáne júldeger atanǵan balýandardyń bapkerleri de aqshalaı arnaıy syılyqqa ıe bolady.
Búgingi bozkilemde synǵa túsetin balýandar tizimi:
1. Qajybaev Erasyl - Abaı oblysy (2024 jylǵy jeńimpaz)
2. Slamshaıkov Meıirjan - Astana qalasy
3. Shynkeev Oljas - Astana qalasy
4. Isaev Abylaı - Almaty qalasy
5. Іztileýov Aıbek - Almaty qalasy
6. Ábdimalikov Meıirjan - Shymkent qalasy
7. Qojageldiuly Nursultan - Shymkent qalasy
8. Shamshıev Saıat - Abaı oblysy
9. Seıitqazynov Ersin - Abaı oblysy
10. Júnisov Áset - Aqmola oblysy
11. Baýhan Dastan - Aqmola oblysy
12. Amangeldi Erasyl - Aqtóbe oblysy
13. Rahımov Ámirbek - Aqtóbe oblysy
14. Jumahmetov Álimjan - Almaty oblysy
15. Sákenuly Jiger - Almaty oblysy
16. Qalıev Arman - Atyraý oblysy
17. Ermaǵanbet Januzaq - Atyraý oblysy
18. Meńdeshov Begaıdar – BQO
19. Janbolatuly Elnar – BQO
20. Qyrǵyzbek Nurlan - Jambyl oblysy
21. Beskempir Aıdar - Jambyl oblysy
22. Sadýaqas Bekarys - Jetisý oblysy
23. Nııaz Ersaıyn - Jetisý oblysy
24. Moldaǵulov Erqanat - Qaraǵandy oblysy
25. Dúısenbaev Aqjol - Qaraǵandy oblysy
26. Jumaǵalı Almas - Qostanaı oblysy
27. Qablan Nursultan - Qostanaı oblysy
28. Isaǵabylov Maqsat - Qyzylorda oblysy
29. Sálimgereev Nurym - Qyzylorda oblysy
30. Jarylǵapov Nurdáýlet - Mańǵystaý oblysy
31. Papaý Nursultan - Mańǵystaý oblysy
32. Manap Rahat - Pavlodar oblysy
33. Eginbaev Erkebulan - Pavlodar oblysy
34. Aýsaǵıtov Altynbek – SQO
35. Qaırov Ádil – SQO
36. Ábdiǵanı Beıbarys - Túrkistan oblysy
37. Shamshıdınov Qaısar - Túrkistan oblysy
38. Dıýsenbın Eldııar - Ulytaý oblysy
39. Ǵalymov Aıdos - Ulytaý oblysy
40. Muhamethanov Jasulan – ShQO
41. Baqytbek Nurhan – ShQO
42. Orazbaev Ádil - Ásker Barysy
43. Baıkamýrov Marat - Ásker Barysy.
Aıta keteıik, osyǵan deıin synǵa túsetin balýandarymyzdyń salmaq ólsheý rásimi ótkeni týraly jazǵan bolatynbyz.