Qazaq kúresi tuńǵysh ret Konfederatsııa kýbogyna qosyldy

ASTANA. QazAqparat - Tól sportymyz qazaq kúresi bıyl tuńǵysh ret Konfederatsııa kýbogy aıasynda ótetin dodanyń baǵdarlamasyna endi, dep habarlaıdy QazAqparat tilshisi.

Konfederatsııa Kýbogy bıyl ekinshi ret jalaýyn jelbiretedi. Oǵan osyǵan deıin boks, dzıýdo, taekvondo, grek-rım jáne erkin kúres túrleri engen bolatyn.

Bıyldan bastap erekshe formattaǵy jarysqa qazaqtyń tól sporty qazaq kúresi qosylyp otyr. Jeltoqsannyń 1-i kúni Almatyda qazaq kúresinen klýbtar arasyndaǵy jarystyń irikteý kezeńi ótse, jeltoqsannyń 2-3 kúnderi Balýan Sholaq atyndaǵy sport saraıynda irikteýden ótken 4 komanda Konfederatsııa kýbogynyń aıasynda ózara júldegerlerdi anyqtaıdy.