Qazaq karateshileri Fýdjeıradaǵy jarysqa attandy
ASTANA. KAZINFORM – WKF karateden Qazaqstan ıýnıorlar men jastar quramasy 20-23 aqpan aralyǵynda karate 1 sanatyndaǵy Fýdjeıradaǵy týrnırge qatysady.

Qazaqstan karate federatsııasynyń baspasóz qyzmeti atap ótkendeı, komanda osy maqsatta Túrkistan oblysyndaǵy Alma-Tau taý kýrortynda oqý-jattyǵý jıynyn ótkizdi. Bul – Ulttyq quramanyń bıylǵy alǵashqy jattyǵý jumysy. Barlyǵy jıynǵa 34 sportshy jınalyp, aldaǵy halyqaralyq jarystarǵa daıyndyǵyn pysyqtady.
Komandanyń aǵa jattyqtyrýshysy – Tokıo Olımpıadasynyń qola júldegeri Darhan Asadilov.

Fýdjeıradan keıin jas karateshilerimiz Qazaqstan chempıonaty men el ishindegi reıtıngtik jarystarda synǵa túsedi. Osy arqyly bıyl Qytaıda ótetin Azııa chempıonatyna baratyn komanda jasaqtalady.
Fýdjeıra týrnıri - uzaq jyldan beri ótetin dástúrli jarys. Munda jyl saıyn kem degende 3 myń sportshy kúsh synasady.
Esterińizge sala keteıik, osyǵan deıin Qazaqstan jastary qylyshtasýdan álem kýbogynda top jarǵanyn jazǵan bolatynbyz.