Qazaq halqy qonaqjaı qasıetimen erekshelenedi — ıÝrıı Hegaı
QYZYLORDA. KAZINFORM — Qyzylordalyq ıÝrıı Pavlovıch Hegaı qazaq tilinde jaqsy sóıleıdi. Jergilikti ult ókilderimen jaqsy qarym-qatynas jasap, túrli jıyn-toılardy birge atap ótedi. Qazaqtyń ulttyq taǵamdaryn tutynyp, salt-dástúrdi jaqsy biledi.
ıÝrıı Hegaı búginde Qyzylorda oblysynyń sanıtarııalyq-epıdemıologııalyq baqylaý departamentinde aýrýhanaishilik ınfektsııalardy epıdemıologııalyq baqylaý bóliminiń basshysy qyzmetin atqarady.
Óz salasy boıynsha tájirıbeli maman jumysynda joǵary jetistikterge jetip keledi. Mekemede is-qaǵazdaryn qazaqsha toltyrady.
«Men qazaq halqynyń ortasynda óstim. Ata-anamyz únemi kórshi turǵan jergilikti ult ókilderimen baýyryndaı aralasty. Bir-biriniń úıine qonaqqa shaqyryp, qýanysh pen qaıǵyny ortaq bólisti. Sondyqtan men bala kezimnen qazaq tilin meńgerýge tyrystym. Ol maǵan eshbir qıyndyq týǵyzǵan joq. Kórshilerdiń barlyǵy qazaq ultynan edi. Bir-birimizben qazaq tilinde sóılesemiz. Osylaısha tildi jaqsy meńgerip aldym. Jalpy, til úırengenniń eshbir aıyby joq. Qaıta oıtanymyń keńeıip, ózińdi jańasha qyrynan sezinýge bolady. Eńbek jolymda da qazaq tiliniń kóp paıdasy tıip keledi», — deıdi ol.
Keıipkerimiz qazaq jazýshylarynyń shyǵarmalaryn jaqsy biledi.
Olardyń arasynda qarymdy qalamger Іlııas Esenberlınniń shyǵarmalaryn erekshe qyzyǵýshylyqpen oqyǵan.
Ózge de aqyn-jazýshylardyń shyǵarmalaryn súısinip oqıdy.
«Esenberlınniń qalamynan týǵan dúnıelerde qazaq halqynyń tarıhy keńinen sóz bolady. Qanshama ǵasyrǵa sozylǵan tarıhy jaıynda jan-jaqty tanysa alasyń.Osy oraıda „Kóshpendiler“ shyǵarmasy maǵan erekshe áser etti. Shámshiniń ánderine degen qurmetim erekshe. Qazaq halqy qashanda qonaqjaı dástúrimen erekshelenedi. Kezine taǵdyr jazýymen qazaq jerine qadam basqan qanshama ult ókilderin eshbir jatsynǵan joq. Barlyǵyn baýyryna basyp, meıirim shýaǵyn tókti. Sondyqtan qazir elimizde ómir súrip jatqan kóptegen etnos ókilderi qazaq halqynyń osyndaı meıirimi úshin rızashylyǵyn bildiredi», — deıdi keıipkerimiz.
Ol halyqtyń sanıtarııalyq-epıdemıologııalyq salamattylyǵy salasynda 40 jylǵa jýyq ýaqyt qyzmet atqaryp keledi. Bul salada jemisti eńbeginiń arqasynda kóptegen marapatqa ıe boldy.
«Kóptegen qazaq ánderin jatqa bilemin. Іs-sharalarǵa, qoǵamdyq jumystarǵa belsendi qatysamyn. Qazaq tilinde án aıtamyn. Qazaqtyń ulttyq taǵamdaryn ózi daıyndaı alamyn. Áıelim — qazaq, bir ul tárbıelep otyrmyz», — deıdi ol.
