Qazaq ártisteri Qytaıda óner kórsetti
ASTANA. KAZINFORM — Qytaıdaǵy Qazaqstan týrızm jyly aıasynda Roza Baǵlanova atyndaǵy «Qazaqkontsert» memlekettik akademııalyq kontserttik uıymynyń ártisteri Dechjoý men Lanfan qalalarynda óner kórsetti.
Іs-sharaǵa Qazaqstannyń eńbek sińirgen qaıratkerleri Elmura Jańabergen, Ardaq Balajanova, Saltanat Ahmetova, Medet Chotabaev, Mádenıet qaıratkeri Erbolat Shaldybekov, halyqaralyq jáne respýblıkalyq konkýrstardyń laýreaty Ádilhan Makın, sondaı-aq «Gúlder» jáne «Astana sazy» ansamblderi qatysty.
Ónerpazdar dástúrli jáne zamanaýı ult mádenıeti men rýhanııatyn tanystyryp, otandyq kompozıtorlar men halyq ánderin shyrqap, qazaqtyń kıeli qara dombyrasy men qylqobyzy arqyly ulttyq ónerimizdi Qytaı jurtshylyǵyna pash etti.
Atalmysh is-shara beıbitshilik pen kelisimdi maqsat tutqan kórshi halyqtardyń ekijaqty qatynasynyń damýyna, ulttar dostyǵy men syılastyǵynyń artýyna serpin beredi.
