Qazaq-Amerıka ýnıversıtetinde arýlar baıqaýy ótti
Bıylǵy jarııalanǵan Jastar jyly aıasynda Qazaq-Amerıka ýnıversıteti stýdent jastardyń osyndaı ıgi bastamalaryna qoldaý kórsetip otyr.
Jyl saıynǵy ótkiziletin dástúrli shara QAÝ stýdent ónerpazdarynyń ómirdegi esten ketpes eń jarqyn sátteriniń biri bolyp qalary anyq.
«Queen of University-2019» baıqaýyna qatysqan joǵary oqý ornnynyń eń sulý arýlary tanystyrǵan «Erke-Nur» sán úıiniń ulttyq naqyshtaǵy kıim úlgileriniń kórsetilimin kópshilik aıryqsha qyzyǵyp tamashalady. Ýnıversıtettiń eń sulý qyzy ataný úshin 12 qyz baq synady. Olar birneshe aı boıy jarysqa daıyndalyp, ózderiniń boılaryndaǵy daryndaryn kórsetýge tyrysty.
Baıqaý erejesine saı arýlar sahnada shyǵarmashylyq, ıntellektýaldyq qabiletterin kórsetip, kollektsııalyq kıim men sándi kóılek úlgisin tanystyrdy.
Qazylar alqasynyń quramynda dızaınerler men modelder boldy. Sondaı-aq, baıqaýǵa qatysýshylardyń darynyn ıÝnesko-nyń QR-daǵy geosaıasattar jónindegi ulttyq komıtetiniń tóraǵasy Dılıara Výdvord, QR Syrtqy ister mınıstrligi Almaty qalasyndaǵy ókildiginiń keńesshisi Rýslan Býltrıkov, «Erke-Nur» sán úıiniń jetekshisi Farıda Merhamıtqyzy jáne mádenıet, óner qaıratkerleri joǵary baǵalady.
Aıta ketý kerek, amerıkalyq jáne qazaqstandyq bilim berý baǵdarlamalarynyń sıntezi negizinde osyndaı joǵary oqý ornynyń rýhanı-mádenı mańyzdy baıqaýynyń negizin qalaýshy QAÝ-niń prezıdenti Ámirlan Qusaıynovtyń ózi boldy. Máselen, 1997 jyldan bastap QAÝ elimizdiń bilim berý alańynda óziniń tabystylyǵymen irgeli bilim ordasynyń qatarynda keledi.
Bıyl qazaqy dástúrlerdi keńinen nasıhattap júrgen baıqaýǵa 21 jyl tolyp otyr.
Bizdiń áriptes uıymdarymyzdyń arqasynda baıqaý árdaıym joǵary deńgeıde ótkizilip keledi. Mundaı biregeı jobanyń maqsaty - jas urpaqty mádenı ómirge tartý, olardyń boıynda estetıkalyq talǵamdy qalyptastyrý, jastardyń ulttyq dástúr men el tarıhyn, ádebıetin jetik bilýge tárbıeleý», - dep atap ótti ýnıversıtettiń syrtqy baılanystar jáne stýdenttik máseleler boıynsha prorektory Janerke Imanbaeva.
Araýlar arasynan ón boıy ozyq shyqqan «Radıotehnıka, elektronıka jáne telekommýnıkatsııa» mamandyǵy boıynsha bilim alyp jatqan 2 kýrs stýdenti Aıdana Nurbaeva sulýlyq baıqaýynyń tájiniń ıegeri atandy.
«Bul baıqaýdan kóp nárseni túıdim. Bizge uıymdastyrýshylarǵa osyndaı múmkindik bergeni úshin alǵysym sheksiz. Bul joba maǵan óz armandarymdy júzege asyrýǵa úlken áseri bolatyny sózsiz», - dedi Aıdana.
Saltanatty keshtiń sońynda Qazaq-Amerıka Ýnıversıtetiniń Prezıdenti Ámirlan Qusaıynov baıqaýdyń jeńimpazy Aıdana Nurbaevaǵa 180 000 teńgeniń qarjylaı sertıfıkatyn tabys etti.
