Qaıtys bolǵan almatylyqtyń shotynan 1 mlrd teńgeni jymqyrmaq bolǵandar sottaldy

ALMATY. QazAqparat – Medeý aýdandyq soty jalǵan qujattar negizinde marqum bolǵan almatylyqtyń banktik shotynan 1 mlrd teńge mólsherindegi «bereshekti» óndirip alý týraly talap aryz bergen alaıaqtarǵa qatysty úkim shyǵardy, dep habarlaıdy QazAqparat tilshisi.

Qalalyq prokýratýra málimetinshe, eki adam qaıtys bolǵan almatylyq turǵynnyń qaryzy bar dep sotqa aryzdanǵan. Olar jalǵan qujat jasap, sotta jeńiske jetken. Alaıda, is júzinde jábirlenýshide eshqandaı qaryz mindettemesi bolmaǵan.

«Jeke sot oryndaýshysynyń ókimi nátıjesinde bank aqsha qarajatyn óndirip alýshyǵa aýdarý maqsatynda sot oryndaýshysynyń aǵymdaǵy shotyna túsirgen. Alaıda, marqumnyń áıeli der kezinde alaıaqtardyń qylmystyq áreketteriniń jolyn kesti. Ol quqyq qorǵaý organdaryna júgingen, sol arqyly kináliler qylmystyq áreketterin aıaqtaı almady. Sotaldy tergep-tekserý barysynda jáne sotta marqumnyń is júzinde eshkimniń aldynda eshqandaı qaryz mindettemesi bolmaǵany anyqtaldy», - dep habarlady prokýratýradan.

Sot alaıaqtardy túrli merzimge sottady.