Qaıta ashylǵan EKSPO: Kelýshiler 2 kún tegin kiredi
Atap aıtqanda, «Nur Álem», Art-ortalyq, Úzdik tájirıbeler aımaǵy jáne Taqyryptyq pavılon syndy EKSPO-nyń tórt nysany týrıstik oryn retinde qaıta ashylmaq.
Qaıta ashylý qurmetine oraı, Astana turǵyndary men qala qonaqtary 11-12 qarasha kúnderi EKSPO-2017 kórmesinen qalǵan týrıstik nysandardy tegin aralaı alady.
«EKSPO-nyń burynǵy aýmaǵyna kirý tegin. Al jekelegen pavılondar men «Nur Álemge» kirý úshin bılet satyp alý qajet. Alǵashqy eki kúni týrıstik aımaqqa tegin kirýge bolady. Odan keıingi kirý quny 1500 teńge bolady. Munda jeńildik bıletteri de qarastyrylǵan: stýdentter 800 teńgege, kóp balaly analar men zeınetkerler - 500 teńgege jáne múgedekter men UOS ardagerleri, alty jasqa deıingi balalar men jetim balalar tegin kire alady. Bıletterdi resmı saıttan jáne arnaıy satý oryndarynan alýǵa bolady, - dedi «Astana EKSPO-2017» UK Kontent jáne is-sharalar uıymdastyrý departamentiniń dırektory Marat Omarov EKSPO-da ótken baspasóz máslıhatynda.
Aıta keteıik, Qazaqstan Prezıdenti Nursultan Nazarbaev «EXPO 2017» halyqaralyq mamandandyrylǵan kórmesiniń jabylý saltanatynda «Nur álem» ǵımaraty men taqyryptyq pavılondardyń energııa mýzeıi retinde óz jumysyn jalǵastyratynyn málimdegen edi.
Kórmege deıin «EXPO 2017» aýmaǵyndaǵy ǵımarattardyń bir bóligin «Astana» halyqaralyq qarjy ortalyǵyna, Halyqaralyq «Jasyl» tehnologııalardy damý ortalyǵyna jáne Halyqaralyq IT-startaptar tehnoparkine berilýi týraly sheshim qabyldanǵan bolatyn.
