Qaırat Sarybaı EQYU Ekonomıka-ekologııalyq komıtetine tóraǵa retinde taǵaıyndaldy

ASTANA. QazAqparat - Qazaqstan EQYU Ekonomıka-ekologııalyq komıtetine tóraǵalyq etedi, bul týraly QR Syrtqy ister mınıstrliginiń baspasóz qyzmeti habarlaıdy.

12 qańtar kúni Eýrazııadaǵy qaýipsizdik jáne yntymaqtastyq uıymy (EQYU) Turaqty keńesiniń otyrysynda Avstrııanyń syrtqy ister mınıstri Sebastıan Kýrts EQYU tóraǵalyǵyn qabyldap, Uıymdy damytý týraly jalpy kózqarasyn bildirdi.

Avstrııalyq tóraǵalyq EQYU úshin Qazaqstannyń turaqty ókili, QR-nyń Avstrııadaǵy elshisi Qaırat Sarybaıdy 2017 jyly EQYU Ekonomıkalyq-ekologııalyq komıtettiń basshysy retinde taǵaıyndady.

Bul Qazaqstan Respýblıkasynyń Prezıdenti Nursultan Nazarbaevtyń  ekonomıkalyq qarym-qatynas, túrli ıntegratsııalyq birlestikter arasyndaǵy yntymaqtastyqty damytý, jasyl ekonomıka men ekologııa, transporttyq qaýipsizdik pen tranzıt máseleleri týraly ıdeıalaryn Uıym aıasynda alǵa tartýǵa múmkindik beredi.

Atalmysh komıtettegi Qazaqstannyń tóraǵalyǵy  2017 jyldyń 14-16 maýsym aralyǵynda Astanadaǵy «EKSPO-2017» alańynda EQYU ekonomıkalyq-ekologııalyq forýmyn joǵary deńgeıde ótkizýge múmkindik beredi.