Qaırat Nurdáýletov «Maqtaaral» fýtbol klýbyna bas bapker boldy

ASTANA. QazAqparat - Qazaqstandyq Qaırat Nurdáýletov «Maqtaaral» fýtbol klýbynyń bas bapkeri atandy, dep habarlaıdy QazAqparat tilshisi.

Qaırat Nurdáýletov kásipqoı fýtbolda TsSKA-«Qaırat», «Esil-Bogatyr», «Ertis», «Qaırat», «Tobyl», «Astana», «Qaısar» komandalarynyń namysyn qorǵady.

Ulttyq qurama sapynda 35 oıynda 5 gol saldy. Ulttyq quramada kapıtany mindetin atqardy. Eýrododalarda áriptesterin jasyl alańǵa bastap shyqty.

Fýtbolshylyq mansabyn aıaqtaǵannan keıin ulttyq quramanyń bapkerlik shtabyna jumysqa keldi.

Keıinnen Qazaqstan jastar quramasynyń bas bapkeri qyzmetin atqardy.

Sondaı-aq, komandanyń bapkerlik quramda birshama ózgeris jasaldy.

Bas bapkerdiń kómekshisi qyzmetine Rýslan Esatov taǵaıyndalsa, fıtnes jattyqtyrýshy mindetin Asqar Muratuly atqarady.

Qaqpashylar boıynsha jattyqtyrýshy - ıÝrıı Novıkov.

Eske salsaq, budan buryn «Maqtaaral» fýtbol klýbynyń bas bapkeri Konstantın Gorovenko qyzmetinen ketti.