Qaırat Mámı Qazaq ulttyq ýnıversıteti ujymynyń saltanatty jıyny men Túlekter forýmyna qatysty
Bul týraly QR Joǵarǵy Sotynyń baspasóz qyzmetinen habarlady.
QazUÝ-diń 80 jyldyǵyna arnalǵan mereıtoılyq sharanyń ashylý saltanatynda Q. Mámı quttyqtaý sóz sóılep, «Túlekter qaýymdastyǵy ýnıversıtettiń jańa turpattaǵy mamandar daıarlaý isine, ýnıversıtet pen onyń túlekteri qaýymdastyǵy arasyndaǵy ózara tıimdi seriktestik júıesin qalyptastyrýǵa yqpal etip keledi. Ýnıversıtet túlekteri - áleýetti jumys berýshiler, metsenattar men demeýshiler, qosymsha bilim berý baǵdarlamasynyń tutynýshylary. Qaýymdastyqtyń mıssııasy - ýnıversıtetti ár jyldary bitirgen túlekter býynynyń korporatıvtik rýhyn kóterý, olardyń ózara baılanysy men áleýmettik bastamalaryna qoldaý kórsetý» - degen oıyn bildirdi.
Qaýymdastyq BAQ betterinde QazUÝ túlekteriniń kásibı mansaby týraly materıaldar shyǵaryp, tele jáne radıoarnalarda suhbattar men dóńgelek ústelder uıymdastyrý arqyly ýnıversıtettiń jaǵymdy ımıdjin qalyptastyrýǵa atsalysyp keledi.
Túlekterdiń aıtýly kásibı jetistikterin nasıhattaý maqsatynda elimizdiń joǵary bilim berý júıesinde alǵash ret «Bizdiń elıta» atty eki tomdy kitap shyǵaryldy. Onda Qazaqstannyń alǵashqy klassıkalyq ýnıversıtetin jetildirý men damytýǵa jáne onyń álemdik deńgeıdegi zamanaýı ǵylymı-zertteý ýnıversıtetke aınalýyna yqpal etken, sondaı-aq otandyq irgeli jáne qoldanbaly ǵylymnyń qalyptasýyna zor úles qosqan ýnıversıtettiń aıtýly túlekteri jaıly málimetter berilgen.
Qaırat Mámı Qazaq ulttyq ýnıversıtetiniń túlekteri atynan stýdentterdi óz kásibiniń bilimdi mamany bolyp qana qoımaı, eń aldymen, Qazaqstannyń shynaıy patrıoty bolýǵa shaqyrdy.
Joǵarǵy Sot Tóraǵasy ýnıversıtettiń úzdik stýdentterine mereıtoılyq stıpendııa sertıfıkattaryn tabystady.
