Qaırat Qojamjarovtyń tóraǵalyǵymen latynǵa kóshý máselesi talqylandy

ASTANA. QazAqparat - Búgin Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarovtyń basshylyq etýimen qazaq tili álipbıiniń kırıllıtsadan latyn grafıkasyna kóshý týraly másele qaraldy, dep habarlaıdy agenttiktiń baspasóz qyzmeti.

Májilis barysynda Elbasynyń latynǵa kóshýdiń qajettiligi qazirgi zamanǵy tehnologııalyq orta­nyń, kommýnıkatsııanyń, ǵyly­mı jáne bilim berý protsesiniń erekshelik­terine baılanysty ekeni, bul jumystyń tereń tarıhı logıkasy bar ekendigi aıtyldy.

Qazirgi ýaqytta, osy álipbıde barlyq esepteý jáne telekommýnıkatsııalyq júıelerdiń 99,99% negizdelgen.

Sońǵy onjyldyqta latynsha ǵylymı maqalalardyń 75,2% jarııalanǵan.  

«World Standards» jáne Dúnıejúzilik banktiń málimetterine sáıkes qazirgi ýaqytta latyn álipbıi 30 joǵary damyǵan elderdiń 25-de qoldanylady.

Memleket basshysy 26 qazanda tıisti Jarlyqqa qol qoıdy.

Ony júzege asyrý Ulttyq komıssııa quryldy. Ol ýákiletti organdar jáne ǵylymı-ádistemelik ortalyqtarmen durys jazý men aıtylýdyń jańa erejesin, qazaq tiliniń latyn grafıkasynda oqytylýdyń ádistemesin ázirleıdi.  

Sol arada, qazir Agenttik pen onyń aýmaqtyq bólimsheleriniń qyzmetkerleri memlekettik tildi latyn grafıkasyn qoldanýmen úıretýge kóshedi.       

Oqytýdy Prezıdent janyndaǵy memlekettik basqarý akademııasy men onyń fılıaldarydaǵy oqytýshylar arnaıy ázirlengen baǵdarlamalar boıynsha júrgizedi. Olar eki aptany qamtıdy.

Májilis qorytyndysy boıynsha Qaırat Qojamjarov grammatıka erejeleri bekitilgennen keıin qazaqstandyq memlekettik qyzmettiń latynǵa kóshýdiń jáne barynsha qamtý boıynsha tásildemelerdi pysyqtaýdy tapsyrdy.