«Qaırat» el senimin aqtaı ala ma
ASTANA. KAZINFORM – Almatylyq «Qaırat» komandasynyń UEFAChempıondar lıgasy negizgi kezeńindegi múmkindigi jóninde Kazinform tilshisi fýtbol mamandary, jýrnalıster jáne jankúıerlermen oı bólisken edi.
«Real Madrıd», «Arsenal», «Inter»...
Bıyl el fýtbolyndaǵy erekshe oqıǵa - almatylyq «Qaırat» Chempıondar lıgasy negizgi kezeńine joldama aldy. Endi qazaqstandyq komanda jarystyń atalǵan satysynda «Real Madrıd» (Ispanııa), «Arsenal» (Anglııa), «Inter» (Italııa), «Kopengagen» (Danııa), «Pafos» (Kıpr), «Sportıng» (Portýgalııa), «Olımpıakos» (Grekııa), «Brıýgge» (Belgııa) komandalarymen kezdesedi. Onyń ishinde óz alańynda 30 qyrkúıekte «Real Madrıdti», 21 qazanda «Pafosty», 9 jeltoqsanda «Olımpıakosty», 20 qańtarda «Brıýggeni» qabyldasa, syrt alańda 18 qyrkúıekte «Sportıng», 5 qarashada «Inter», 26 qarashada «Kopengagen», 28 qańtarda «Arsenal» klýbymen sheberlik baıqasady.
– Bizdiń «Real Madrıdpen» oınaıtynymyz qýantady. Mundaı klýb Qazaqstanǵa jıi kelmeıdi. Jankúıer aldynda úlken jaýapkershilikti sezinemiz. Men múmkindiginshe úlken bolǵym keledi qarsylastar. Alaıda, Oǵan qosa «Real Madrıdten» ózge «Inter», «Arsenal»sekildi komandalar da joǵary deńgeıde oıyn kórsetedi. Jerbe nátıjesinde osyndaı klýbtarmen jolymyz túıiskenine qýanyshtymyz. Aıta ketsek, «Real Madrıd» eshqandaı túsindirýdi qajet etpeıdi. «Inter»keıingi jyldary Chempıondar lıgasynda turaqty oınaıdy. Al «Arsenal» jartylaı fınalda synǵa tústi, Anglııa chempıonatynda jylma-jyl joǵary oryndarǵa talasady. Sondaı-aq«Brıýgge», «Sportıng», «Olımpıakos», «Pafos» jáne «Kopengagendi» tájirıbesi joǵarydep baǵalaımyz.Rasynda, biz úshin árbir kezdesý ońaıǵa soqpaıtyny anyq. Óz alańymyzda jankúıer qoldaýyna súıenemiz. Olardyń úmitin aqtap, oń nátıjege qol jetkizýge kúsh salamyz, - dedi «Qaırat» fýtbol klýbynyń bas bapkeri Rafael Ýrazbahtın baspasóz ókilderi bergen suhbatynda.
Jerebe joldas boldy ma?
Almatylyq klýb budan buryn 2021/2022 jylǵy maýsymda UEFA Konferentsııa lıgasynda H tobynda synǵa túsken edi. Onda barlyǵy alty kezdesýde eki márte teń túsip, qalǵanynda qarsylastaryna ese jiberdi. Bul topta «Bazel» (Shveıtsarııa), «Karabah» (Ázerbaıjan), «Omonııa» (Kıpr) klýbtarymen sheberlik baıqasty. Nátıjesinde óz tobynda tórtinshi oryndy mise tutty.
Sport kommentatory Eseı Jeńisuly Kazinform tilshisine «Qaırattyń» upaı oljalaýǵa múmkindigi bar ekenin aıtady. Árıne, Eýropanyń top-klýbtarymen oınaý ońaıǵa túspeıtini anyq. Dese le olardyń eshqaısysyna úreılene qaraýǵa negiz joq. Durys taktıka qoıyp, jasyl alań tórinde sheberlik deńgeıin kórsete alsa, «Qaırat» qaı-qaısysynan da upaı oljalaýyna ábden bolady.
– Jankúıer esebinde «Qaırattyń» jerebesi osylaı túskenine qýandym. Negizinde álemniń úzdik klýbtary Qazaqstanǵa kelse deısiń ǵoı. Sondyqtan almatylyq klýbqa óte shynaıy jerebe tústi dep sanaımyn. Dúnıejúzindegi kópshilik oıyndaryn qyzyǵa tamashalaıtyn «Real Madrıd», «Arsenal», «Inter» klýbtarynyń «Qaıratpen» oınaıtyny qazaqstandyq jankúıerler úshin erekshe oqıǵa dep baǵalaımyn. Árıne, olar óz alańynda ıspanııalyq klýbty óz alańynda qabyldap, syrt alańda anglııalyq, ıtalııalyq klýbpen kezdeseedi. Ataǵynan at úrketin klýbtarǵa qarsy qalaı oınaımyz? Upaı oljalaı alamyz ba? Meniń oıymsha, atalǵan úsh oıynnan keminde bir nemese eki upaıdy qorjynǵa salyp jatsaq, ol bizge úlken qýanysh bolar edi. Al qalǵan «Sportıng», «Olımpıakos», «Kopengagen», «Brıýgge», «Pafos» klýbtarymen terezesi teń oıyn kórsetýge bolady dep sanaımyn. Eýropa olardyń barlyǵy ortanqol komandalar sanatyna engiziledi. Jankúıerler «Qaıratpen» salystyrǵanda olardyń tájirıbesi joǵary dep baǵalaıdy. Degenmen olardan upaı alýǵa jáne jeńip ketýige bolady. Sol sebepti jerebe jaqsy tústi dep esepteımin. Komanda keminde 9-12 upaı aralyǵynda qorjynǵa salsa, negizgi kezeńde 21-22 oryndarmen pleı-off kezeńine shyǵyp ketýge múmkindik bar ekenin joqqa shyǵara almaımyz. «Qaırattyvń» qarsylastary qatarynda buryn qazaqstandyq «Astanamen» oınaǵan «Olımpıakos» jáne «Pafos» bar. Qysqasha aıtqanda, Chempıondar lıgasynyń negizgi kezeńi barsha qazaqstandyq klýbtar úshin úlken toı merekesi bolady dep sanaımyn, - dedi ol.
Sport kommentatory almatylyq klýbtyń osyndaı senim údesinen shyǵa alatynyn aıtady. Óıtkeni, olar atalǵan týrnırdiń irikteý kezeńiniń ózinde ońaı qarsylastarǵa tap bolǵan joq. Durys taktıka, tájirıbe, sheberliktiń arqasynda qarsylastardy qapy qaldyrdy.
Jergilikti túlekter tájirıbe jınaıdy
Uzaq jyldan beri almatylyq klýbqa jankúıerlik jasap júrgen Nurmahan Eltaı «Qaırat» mundaı tabysqa kezdeısoq jetken joq. Ońtústik astana ujymy sapaly legıonerlerdi qatarǵa tartýmen birge tól shákirtterińn tárbıeleýge erekshe mán berip otyr.
– Kez-kelgen jetistikke jetý úshin qanshama jyldar boıy jumys júrgiziledi. Bul oraıda «Qaırattan» ózge klýbtardyń úırenetini kóp. Almatylyq klýb jylma-jyl el birinshiliginde bas júldege qol sozýdy aldyna maqsat etedi. Oǵan qosa tól shákirtterdi tárbıeleý isine mańyz berip otyr. Komandaǵa Chempıondar lıgasy toptyq kezeńiniń joldamasyn syılaǵan Temirlan Anarbekovtiń ózi tájirıbeli bapkerlerden tálim aldy. Shabýyl shebinde júrgen Dastan Sátpaevtyń ózin Eýropanyń bedeldi klýbtary joǵary baǵalap otyr. Qysqasy, jergilikti túlekter bedeldi týrnırde úlken tájirıbe jınaqtaıdy. Endigi kezekte «Qaırat» bedeldi týrnırde Qazaqstan namysyn abyroımen qorǵaıdy degen oıdamyn. Chempıondar lıgasynda olar jankúıer senimin tolyq aqtaıdy, dep senemin, - dedi ol.
Aıta ketsek, almatylyq «Qaırat» búgin fýtboldan UEFA Chempıondar lıgasy negizgi kezeńindegi alǵashqy oıynyn «Sportıng» (Portýgalııa) komandasyna qarsy ótkizedi.
Kezdesý 18 qyrkúıekten 19-na qaraǵan túni Qazaqstan ýaqytymen saǵat 00:00-de bastalyp, «Qazsport» telearnasynan tikeleı efırde kórsetiledi.