Qaırat Boranbaev túrmeden shyǵatyn boldy
Belgili kásipker Qaırat Boranbaevtyń jazasy jeńildetildi, dep habarlaıdy Kazinform Aqmola oblystyq sotynyń baspasóz qyzmetine silteme jasap.
"Sot sottalýshy "B."-nyń ótinishin qanaǵattandyra otyryp, jazanyń qalǵan bóligin bostandyqty shekteý túrine aýystyrdy" delingen Aqmola oblysy Zerendi aýdandyq sotynyń habarlamasynda.
Jazany aýystyrý kezinde sot kelesi jaǵdaılardy eskerdi:
- sottalǵan adam zańda belgilengen jaza merziminiń 1\3 bóligin (2 jyl 4 aı 5 kún) ótegen;
- kináli memleketke keltirilgen zalaldy tolyǵymen ótedi, tergeýmen belsendi jumys istedi jáne jasaǵan isine ókinedi;
- qamaýda bolǵan kezeńde oń sıpattaldy. Mekeme ákimshiligi tıisti qujattardy usyndy jáne ótinishti qoldady.
Sotynyń sheshimine sáıkes "B." probatsııalyq baqylaýda bolady.
Sot sheshimi zańdy kúshine engen joq.
Eske salsaq, 2022 jyly 17 naýryzda sottyń sheshimimen Qaırat Boranbaev 2 aıǵa qamalǵan edi.
Keıin Qaırat Satybaldy men Qaırat Boranbaevtyń syrtqa zańsyz shyǵarylǵan aktıvteri qaıtaryla bastaǵany habarlandy.
Eske salaıyq, osy aptada Qaırat Boranbaev ózine qatysty júrgizilip jatqan tergeý amaldary aıasynda óz erkimen Bilim berý ınfraqurylymyn qoldaý qoryna 30 mlrd teńgeden astam qarjy aýdarǵan bolatyn.
Onyń aldynda Boranbaev quny 1,4 mlrd teńge bolatyn qonaq úıin, sondaı-aq 90 mlrd teńgeden astam somany quraıtyn aktıvterdi memleketke qaıtardy.
2022 jyly 17 naýryzda sottyń sheshimimen Qaırat Boranbaev 2 aıǵa qamalǵan edi.
Keıin Qaırat Satybaldy men Qaırat Boranbaevtyń syrtqa zańsyz shyǵarylǵan aktıvteri qaıtaryla bastaǵany habarlandy.
Astanada sot otyrysy byltyr 30 jeltoqsanda bastaldy.
Sot sheshimimen Qaırat Boranbaevqa 8 jylǵa bas bostandyǵynan aıyrý jazasy taǵaıyndaldy. Keıin sotta bul úkim qaıta qaralyp, múlkin tárkileý jáne jazany eki jylǵa qysqartý belgilendi.
Keıin sot Qaırat Boranbaevtyń tergeý organdarymen mámilege kelýin qanaǵattandyrdy.
Qarjy mınıstri Erulan Jamaýbaev Boranbaevtyń tárkilengen múlki qaıda baǵyttalatynyn aıtqan bolatyn.
