Qaırat Boranbaev bıýdjetke taǵy 120 mlrd teńge aýdardy — agenttik

ASTANA. KAZINFORM — QR Qarjylyq monıtorıng agenttigi tóraǵasynyń orynbasary Jeńis Elemesov isti bolǵan Qaırat Boranbaevtan aktıvterdi qaıtarýǵa qatysty túsinik berdi.

«Ol buǵan deıin sot úkimi boıynsha sottalyp, shyǵyn ótelgen. Budan bólek, ol bıýdjetke qosymsha 120 mlrd teńgeni ótkizdi. Qazirgi kezde ol taǵy da bıýdjetke qarajat aýdarýdy qarastyryp otyr. Óıtkeni basqa da qylmystyq ister bar. ıAǵnı, jeke tulǵanyń salyq tóleýden jaltarý, qarajat jymqyrý áreketteri tekserildi. Osy ister aıasynda qazir aktıvterdi qaıtarý jumysy atqarylyp jatyr», — dedi J. Elemesov Parlament Májilisinde tilshiler suraǵyna jaýap bere otyryp.

Buǵan deıin Kazinform kásipker Qaırat Boranbaevtyń memleket menshigine qaıtarǵan aktıvterine sholý jasaǵan edi.