Qaırat Ábdirahmanov Germanııa Syrtqy ister mınıstrimen telefon arqyly sóılesti
Áńgimelesý barysynda taraptar strategııalyq áriptestik deńgeıine shyqqan, eki el arasyndaǵy turaqty jáne ilgerilemeli serpin, sondaı-aq Qazaqstan men Germanııa arasyndaǵy dostyq jáne senimdi, onyń ishinde joǵarydaǵy deńgeıdegi dıalogty de atap ótti.
Taraptar Qazaqstan men Germanııa arasyndaǵy yntymaqtastyqtyń barlyq máselelerin odan ári damytýdy jáne 2017 jylǵy shildede Astanada ótken Qazaqstan Prezıdenti Nursultan Nazarbaev pen Germanııa Federaldyq prezıdenti Frank-Valter Shtaınmaıerdiń kelissózderiniń negizinde qol jetkizilgen ýaǵdalastyqtardyń oryndalýyn egjeı-tegjeıli talqylady.
Ótken jylǵy Germanııa basshysynyń sapary barysynda
1 mıllıardtan astam AQSh dollary kólemindegi 21 jobaǵa qol qoıylǵan ekonomıkalyq jáne ınvestıtsııalyq kelisimderdiń mańyzdy paketi alǵashqy jemisterdi ákelip otyr. Birlesken kúsh-jigerdiń arqasynda 2017 jyly saýda kólemi 5 mlrd. eýroǵa jetip, nemis ınvestıtsııalarynyń 90%-dan astamy bizdiń ekonomıkamyzdyń «shıkizattyq emes» sektoryna baǵyttalǵan.
H. Maastyń aıtýynsha, Qazaqstan mańyzdy seriktes bolyp tabylady jáne Germanııa yntymaqtastyqty odan ári tereńdetýge daıyn. Ol Aqtaý qalasynda ótken Besinshi Kaspıı sammıtiniń jáne Kaspıı teńiziniń quqyqtyq mártebesi týraly konventsııaǵa qol qoıylýynyń mańyzdylyǵyn joǵary baǵalady. Onyń qabyldanýy ekonomıkalyq yntymaqtastyqty keńeıtýdiń jańa perspektıvalaryn ashady.
Taraptar ekonomıkany jańǵyrtý jáne ındýstrııalandyrýǵa baǵyttalǵan birlesken jobalardy júzege asyrýǵa ózara múddelilik bildirdi. Osyǵan baılanysty Q. Ábdirahmanov Germanııa tarapyn «Astana» Halyqaralyq qarjy ortalyǵy, IT-startap Parki, sondaı-aq Jasyl tehnologııalar jáne ıvestıtsııalyq jobalar Halyqaralyq ortalyǵynyń iske qosý aıasynda ashylyp jatqan múmkindikterdi belsendi túrde ıgerýge shaqyrdy. Taraptar bıznes-qaýymdastyq úshin qolaıly ınvestıtsııalyq ahýaldyń qamtamasyz etilýiniń mańyzdylyǵy týraly ýaǵdalasty.
Germanııadaǵy mıllıon qazaqstandyq nemisterdiń jáne Qazaqstandaǵy eki júz myń etnıkalyq nemisterdiń mańyzdy baılanystyrýshy bolyp keletin róli eki el arasyndaǵy dostyqtyń «jandy kópiri» retinde áreket etetini erekshe atap ótildi.
Qazaqstan Syrtqy saıasat vedomstvosynyń basshysy Eýropalyq Odaq pen Orta Azııa aımaǵy elderiniń arasyndaǵy yntymaqtastyqtyń negizin qalaǵan 2007 jylǵy Eýropalyq Odaqtyń Ortalyq Azııaǵa qatysty strategııasyn ázirleýge jáne júzege asyrýǵa Germanııanyń mańyzdy úlesin atap ótti. Qazaqstan kelesi jyly Eýroodaq tarapynan qabyldaıtyn jańa Strategııany tıimdi júzege asyrý úshin bar kúsh-jigerin jumsaıtyndyǵyn atap ótti. Osyǵan oraı, dıplomat nemis áriptesin atalǵan qujattyń mazmunyna engizý úshin Qazaqstannyń usynystary Eýropalyq Odaqtyń tıisti qurylymdaryna jiberilgeni týraly habardar etti.
Mınıstrler halyqaralyq kún tártibindegi ózekti máseleler boıynsha, sonyń ishinde Astana protsesiniń sheńberinde Sırııa máselesin retteý jáne Irannyń ıadrolyq baǵdarlamasy jónindegi Birlesken keshendi is-qımyl josparyn iske asyrý týraly pikir almasty.
Suhbattastar Qazaqstan men Germanııanyń halyqaralyq arenada kópjaqty formattaǵy ózara is-qımylynyń jańa sapaly sıpatyn atap ótti. Q. Ábdirahmanov, óziniń áriptesin Germanııanyń BUU Qaýipsizdik Keńesine saılanýymen quttyqtap, Qazaqstan sońǵy eki jyl BUU Qaýipsizdik Keńesiniń jumysyna belsene qatysyp otyrǵan memleket retinde, halyqaralyq kún tártibindegi barlyq mańyzdy máseleler boıynsha álemdik saıasattyń osy mańyzdy organynyń jańa múshelerimen tyǵyz yntymaqtastyqty jalǵastyrý múddeligin bildirdi.
Qorytyndysynda Syrtqy ister mınıstrleri aldaǵy túrli deńgeıdegi ekijaqty baılanystardyń kestesin talqylady. Q. Ábdirahmanov H. Maasty Qazaqstanǵa saparmen kelip qaıtýǵa shaqyrdy.
