«Qaırat» 2026 jylǵy alǵashqy jıynyn Abý-Dabıde ótkizedi

ASTANA. KAZINFORM — 4 qańtar kúni tańerteń erte «Qaırat» Birikken Arab Ámirlikterine attanyp, 15 qańtarǵa deıin jalǵasatyn oqý-jattyǵý jıynyn ótkizbek. Bul týraly fýtbol klýbynyń baspasóz qyzmeti habarlady.

Jıynnyń negizgi maqsaty — ońtaıly fızıkalyq formaǵa kelý jáne resmı matchtarǵa daıyndyq.

2 qańtarda komanda úsh aptalyq demalystan keıin bazaǵa jınalyp, bastapqy medıtsınalyq tekserýden ótkeni habarlandy.

Abý-Dabıde komandamyz eki baqylaý kezdesýin ótkizedi:

• 9 qańtar «Neftchı»
• 14 qańtar «Varajdın»

Eske salsaq, 20 qańtarda sary-qaralar Astanada belgııalyq «Brıýggemen» oınaıdy, al 28 qańtarda Londonda ÝEFA Chempıondar lıgasynyń jalpy kezeńindegi sońǵy matchty «Arsenalǵa» qarsy ótkizedi.

Budan buryn «Qaırat» álemdegi úzdik fýtbol klýbtarynyń qataryna engenin jazǵanbyz.