Qaı jastaǵy adamdardyń sýǵa batýy jıi kezdesedi

ASTANA. QazAqparat – Qazaqstanda qaı jastaǵy adamdar sýǵa jıi batyp ketedi? Elimizdiń ortalyq kommýnıkatsııalar qyzmeti alańynda ótken baspasóz máslıhatynda osyndaı suraqqa jaýap berildi, dep habarlaıdy QazAqparat tilshisi.

«Kámelet jasyna tolmaǵandar boıynsha 14 jastaǵylar sýǵa jıi batyp ketedi. Dúnıejúzilik densaýlyq saqtaý uıymynyń statıstıkalyq málimetterine sáıkes, 14 jastaǵy jasóspirimder sýǵa batyp ketýden úshinshi orynda tur. Al sýǵa ketýden eresekter boıynsha – 43 jas», - dep jaýap berdi Tótenshe jaǵdaılar mınıstrligi Azamattyq qorǵanys komıtetiniń aǵa ofıtseri Erasyl Saıpash.

Aıta ketsek, buǵan deıin jyl basynan beri 40 bala men jasóspirim sýǵa batyp ketkeni týraly habarlaǵan edik. Tótenshe jaǵdaılar mınıstrliginiń málimetine sáıkes, sýǵa batý faktileriniń 97%-y shomylýǵa tyıym salynǵan jerlerde bolady. Sońǵy 3 jyl ishinde myńnan astam qazaqstandyqtyń ómiri sýǵa ketip qıylǵan.