Qaı óńirlerde azyq-túlik baǵasy ózgerdi

ASTANA. KAZINFORM –  Ulttyq bank elimizdiń óńirlerindegi baǵa ósiminiń eń joǵary jáne eń tómen deńgeılerin eseptedi. Eń joǵary azyq-túlik baǵasynyń ósýi Aqmola oblysynda. Eń tómen ósim Jambyl, Qostanaı jáne Túrkistan oblystarynda tirkeldi. 

Naýryzda elde jyldyq ınflıatsııa údep (aqpanda — 9,4%), 10,0% boldy. Jyldyq ınflıatsııa 16 óńirde jedeldep, 4 óńirde baıaýlady.

Jyldyq ınflıatsııanyń eń joǵary máni Astana qalasynda tirkeldi — 13,3%.

— Naýryzda azyq-túlik taýarlarynyń baǵasy 7,6%-ǵa deıin qarqyn aldy (aqpanda — 6,5%). Osy toptaǵy taýarlardyń baǵasy Aqmola oblysynda (10,6%) eń joǵary, al Jambyl, Qostanaı jáne Túrkistan oblystarynda (6,3%-dan) meıilinshe tómen ósim kórsetti. Naýryzda azyq-túlikke jatpaıtyn taýarlar baǵasynyń ósý qarqyny j/j 9,1%-ǵa deıin jedeldedi (aqpanda — 8,7%). Eń joǵary mán Túrkistan oblysynda (15,2%), eń tómen mán Almaty oblysynda (5,8%) tirkeldi, — delingen Ulttyq bank habarlamasynda.

Naýryzda aqyly kórsetiletin qyzmet baǵasy 14,3%-ǵa deıin jedeldedi (aqpanda — 14,1%). Sonymen qatar baǵa Batys Qazaqstan oblysynda (19,1%) jalpy respýblıkalyq deńgeıden aıtarlyqtaı joǵary, Pavlodar oblysynda (7,2%) edáýir tómen ósim kórsetti.

Naýryzda aılyq ınflıatsııa elde 1,3%-ǵa ósti.

Aıta ketelik el óńirlerindegi ınflıatsııa deńgeıi týraly jazǵan edik. Sonymen qatar Ulttyq bank tóraǵasy Tımýr Súleımenov bazalyq mólsherlemeni aıqyndaý máselesine arnalǵan kezekti baspasóz máslıhatynda kúzge qaraı Qazaqstanda ınflıatsııa bolýy múmkin degenge saıatyn boljamdarǵa jaýap bergen edi.