Qaýipsizdik beldikterinen aqaý shyqqan: Ford 112 myńnan astam kólikti keri qaıtardy

ASTANA. KAZINFORM – Amerıkalyq Ford avtomobıl kompanııasy qaýipsizdik beldikterinen aqaý shyǵýyna baılanysty 112 600 kólikti keri qaıtaryp jatyr. Bul týraly Reuters AQSh Ulttyq jol qozǵalysy qaýipsizdigi basqarmasyna (NHTSA) silteme jasap habarlady.

NHTSA-ǵa qaýipsizdik beldigin bekitý qurylǵysynyń abaısyzda ózdiginen jumys istep ketýi týraly shaǵymdar kelip túsken. Qatty dybys shyǵarǵannan keıin beldik tez tartylyp qala bergen.

Keri qaıtarylǵan kólikter arasynda 2019-2020 jyldary shyǵarylǵan Ford Expedition jáne Lincoln Navigator úlgileri bar.

NHTSA málimetteri boıynsha, tartý kúshiniń joǵalýy men elektr júıesiniń isten shyǵýyna baılanysty 456 000-nan astam Ford kólikterine qatysty tergeý bastalǵan. Tergeý barysynda 2021-2024 jyldary shyǵarylǵan Ford Bronco Sport krossoverleri men Maverick pıkaptary zertteledi. 

Eske sala keteıik, buǵan deıin shetelden ákelingen júk kólikteri tekseriletinin habarlaǵan edik.