«Qaýipsiz Jańa jyl» aktsııasy ótedi

ASTANA. QazAqparat – Tótenshe jaǵdaılar mınıstrligi órt qaýipsizdigin qamtamasyz etý úshin «Qaýipsiz Jańa jyl» aktsııasyn ótkizbekshi, dep habarlaıdy QazAqparat tilshisi.

Bul týraly Tótenshe jaǵdaılar mınıstriniń orynbasary Marat Kúldikov Ortalyq kommýnıkatsııalar qyzmetinde ótken brıfıngide aıtty.

«Mınıstrliktiń bólimsheleri jyl boıy búkil respýblıka boıynsha keń aýqymdy úgit-nasıhat is-sharalaryn ótkizedi. Ótken jyldardaǵy tájirıbeden bastap jylytý kezeńi bastalǵanǵa deıin (sáýir aıynan bastap) Respýblıkalyq órt qaýipsizdigi aktsııalary ótkiziledi. Qarapaıym azamattarǵa jylytý júıesi men peshterdiń qurylymyn qalaı jáne qaı kezeńde retke keltirý kerektigi túsindiriledi jáne kórsetiledi. Bul bolashaqta ózińizdi jáne týystaryńyzdy qorǵaýǵa múmkindik beredi», - dedi ol.

Vıtse-mınıstrdiń sózine qaraǵanda, jyldyń 10 aıyndaǵy statıstıkalyq derekter boıynsha, jataqhanalarda 22 órt tirkelip, 6 adam qaza tapqan.

«Osyǵan baılanysty biz respýblıka boıynsha ishki ister organdarymen birlesip «Jataqhana» profılaktıkasy júrgizildi. Bul is-shara jappaı túsindirý jumystaryn júrgizýge jáne zańsyz jumys isteıtin jataqhanalardy anyqtaýǵa baǵyttalǵan. Profılaktıka barysynda anyqtalǵan zańsyz jataqhanalar sııaqty barlyq faktiler boıynsha tıisti sharalar qabyldaý úshin turǵyn úı ınspektsııalaryna, memlekettik sáýlet-qurylys baqylaýyna, sondaı-aq salyq organdaryna nusqaýlar jiberildi. Mundaı sharalar azamattarymyzdyń órt qaýipsizdigi erejelerin saqtaý boıynsha minez-qulyq mádenıetin azdap arttyrýǵa múmkindik beredi. Jalpy jyl sońyna deıin «Ýly gazdan saqtan» jáne «Qaýipsiz Jańa jyl» aqparattyq kampanııalaryn ótkizý josparlanýda, onda halyqqa qalyptasqan jaǵdaılarǵa qarapaıym den qoıý sharalary aıtylatyn bolady», - dedi Marat Kúldikov.

Foto: ortcom.kz