«Qaýipsiz el» ulttyq jobasy aıasynda shekara bólimsheleriniń 50 tıptik kesheni salynady
«Tutastaı alǵanda, shekara zastavalarynyń materıaldyq-tehnıkalyq bazasy men áleýmettik obektileriniń jaı-kúıin tekserýdi Ulttyq qaýipsizdik komıtetiniń Shekara qyzmeti múddeli memlekettik jáne jergilikti atqarýshy organdarmen birlesip turaqty negizde júrgizedi. Tekserý qorytyndysy boıynsha ýákiletti organdar tıisti is-sharalar qabyldaıdy», - dep atap ótedi Úkimet basshysy jaýabynda.
Onyń dereginshe, UQK ShQ áskerı qyzmetshileri úshin qolaıly turǵyn úı-turmystyq jaǵdaılar jasaý maqsatynda «qaýipsiz el» ulttyq jobasynda shekara bólimsheleriniń 50 tıptik keshenin (ákimshilik ǵımarattardan, turǵyn úılerden, ashanalardan, kazarmalardan, monsha-kir jýý keshenderinen, taýarlyq-materıaldyq qundylyqtardy saqtaý qoımalarynan, garajdardan, turatyn qazandyqtar, at qoralar, qyzmettik ıtterge arnalǵan pıtomnıkter jáne basqalary) 2021-2025 jyldar aralyǵynda 71 mlrd teńgeden astam somaǵa jobalaý jáne salý jónindegi is-sharalar kózdelgen.
«Birinshi kezektegi 20 shekara bólimsheleriniń qurylysyna respýblıkalyq bıýdjetten 31,5 mlrd teńge (2022 jyly – 9,2 mlrd teńge, 2023 jyly – 22,3 mlrd teńge) bólindi. Qurylys-montaj jumystaryn osy jyldyń sońyna deıin aıaqtaý josparlanýda», - dedi Álıhan Smaıylov.
