Qatonqaraǵaıda ilbis fototuzaqqa túsip qaldy
ASTANA. KAZINFORM — Qatonqaraǵaı ulttyq parkiniń Arshaty ormanshylyǵy aýmaǵynda ormanshy Jomart Amanbaev ornatqan fototuzaqqa taǵy bir márte ilbis túsip otyr.
— Bul Altaıdyń asqaq taýlary men tumsa tabıǵatynda mekendeıtin, Qazaqstannyń Qyzyl kitabyna engen sırek jyrtqysh. Іlbistiń fototuzaqqa túsýi — ulttyq park aýmaǵynda tabıǵı tepe-teńdiktiń saqtalyp, janýarlar dúnıesiniń qaýipsizdigin baqylaý jumystarynyń nátıjeli júrgizilip jatqanyn kórsetedi, — delingen Katonqaraǵaı ulttyq parkiniń habarlamasynda.
Mundaı bir sátti kadr — ormanshylardyń tynymsyz eńbegi men tabıǵatty qorǵaýǵa degen janashyr kózqarasynyń aıqyn dáleli.
Aıta ketelik «Altynemel» tabıǵı parkinde júrgen ilbiske GPS qurylǵysy ornatylǵan edi. Sonymen qatar elde qansha ilbis bar ekenin jazǵan edik.