Qatarynan 18 jeńis: UFC qazaqstandyq jekpe-jek sheberin «qaýipti sportshy» dep tanydy
NUR-SULTAN. QazAqparat – UFC-diń Twitter-degi eýropalyq akkaýnty qazaqstandyq jekpe-jek sheberi Damır Ysmaǵulovtyń (23-1) Las-Vegasta ótken UFC Flight Night 188 týrnırindegi oıynyn joǵary baǵalady, dep habarlaıdy QazAqparat Sports.kz-ke silteme jasap.
Ysmaǵulov brazılııalyq boksshy Rafael Alvesti (19-10) tóreshilerdiń bir aýyzdan qabyldanǵan sheshimimen jeńdi.
«Ne deıik, bul 18 oıynnan turatyn jeńisti serııa bolyp otyr! Damır Ysmaǵulov – osy dıvızıondaǵy naǵyz qaýipti sportshy», - dedi UFC-de.
Ysmaǵulov MMA-da jalǵyz ret 2015 jyly jeńilgen. Onyń UFC-degi oıyndaryna keler bolsaq, tórt oıynnyń tórteýinde de jeńiske jetti – ol Tıago Moızesti (15-4), Hoel Alvaresti (18-2), Aleks Gordjesti (7-1) jáne Rafael Alvesti (19-10) jeńdi.
