Qatar men EO strategııalyq odaq qurýǵa qadam basty
ASTANA.KAZINFORM - Qatar men EO strategııalyq seriktestik týraly kelisim boıynsha kelissózderdiń bastalǵanyn jarııalady. Bul týraly Qatar Syrtqy ister mınıstrligi habar taratty.
Qatar Syrtqy ister mınıstri sheıh Muhammed bın Abdýrrahman bın Djasım At-Tanı men EO Syrtqy ister jáne qaýipsizdik saıasaty jónindegi Joǵarǵy ókili Kaıa Kallas Doha forýmy aıasynda kezdesti. Kezdesýden keıin taraptar EO men Qatar arasyndaǵy strategııalyq yntymaqtastyq boıynsha kelissózderdiń bastalǵanyn jarııalady.
- Bul protsess ekijaqty qarym-qatynastaǵy mańyzdy kezeńdi belgileıtin bolashaqqa baǵyttalǵan jáne ambıtsııaly birlesken kúsh-jigerdi bildiredi, - delingen Qatar Syrtqy ister mınıstrliginiń málimdemesinde.
Aldaǵy kelissózder barysynda taraptar ózara qyzyǵýshylyq týdyratyn basym salalardaǵy yntymaqtastyqty keńeıtýdiń jańa múmkindikterin zertteıdi.
Taraptar seriktestikti tereńdetýge, aımaqtyq jáne halyqaralyq jaǵdaıdyń kúrdelenýi aıasynda dınamıkalyq jáne ózara tolyqtyrýshy qarym-qatynasty odan ári damytýǵa degen mindettemelerin rastady.
Buǵan deıin Qazaqstan men EO vızalyq rejımdi jeńildetý máselesin talqylap jatqany habarlanǵan bolatyn.