Qasym-Jomart Toqaev: Jekeshelendirý isi jekelegen monopolııalardy týdyrmaýy kerek
QR Prezıdentiniń buǵan deıingi tapsyrmasyna sáıkes, tolyǵymen jáne ishinara jeke básekeli sektorǵa beriletin úıymdardyń tizimi 176-dan 736-ǵa deıin uzartyldy.
Básekeli ortaǵa 5 trln teńgelik aktıvterdi berý arqyly memlekettiń ekonomıkaǵa aralasý kórsetkishin 14 paıyzǵa azaıtýǵa bolady. Onymen qosa, strategııalyq ınvestorlardy tarta otyryp, jekeshelendiriletin kompanııalardyń qyzmetine ShOB-tyń qoljetimdiligi arta túsedi.
Memleket basshysy ekonomıkaǵa memlekettiń aralasý úlesin azaıtý jospary týraly aıta kele, budan buryn ótkizilgen kampanııalardan alynǵan tájirıbeni eske saldy. Ol kampanııalar barysynda nysandardyń basym bóligin jekeshelendirý máselesi keıinge aýystyrylyp, keıbiri tipti toqtap qalǵan edi.
«Jumystyń jospar boıynsha júrýi asa mańyzdy. Bul turǵyda Úkimettiń ustanymy qatań bolýy qajet. Jekeshelendirýdiń sońy jeke monopolııalardyń paıda bolýyna ákep soqtyrmaýy kerek. Ondaı jaǵdaı qoǵamnyń narazylyǵyn týdyrady. Jekeshelendirý úderisi kezinde ashyqtyq pen ádildikti qamtamasyz etý qajet», – dedi Q.Toqaev.
Osy rette Prezıdent Úkimetke nysandardy satýǵa qoǵamdyq monıtorıng júrgizýdiń tetikterin ázirleýdi tapsyrdy.
Aıta ketsek búgin Aqordada Memleket basshysy Qasym-Jomart Toqaevtyń tóraǵalyǵymen Reformalar jónindegi Joǵary keńestiń úshinshi otyrysy ótti. Іs-sharanyń kúntártibine Qazaqstan Respýblıkasyn 2025 jylǵa deıin damytýdyń ulttyq josparyn, memlekettik josparlaýdyń jańa júıesin, 2030 jylǵa deıin memlekettik bsqarýdy damytý tujyrymdamasyn, 2021-2025 jyldarǵa arnalǵan jekeshelendirý josparyn ázirleý, sonymen qatar shuǵyl reformalar toptamasy men halyqtyń ulttyq sanaǵyn ótkizý máseleleri kirdi.
