Qasym-Jomart Toqaev: Jaǵympazdyqqa qarsymyn

NUR-SULTAN. QazAqparat – Memleket basshysy Qasym-Jomart Toqaev keıbir adamdardyń, onyń ishinde zııaly qaýymnyń jaǵympazdyq áreketine qatysty pikir bildirdi, dep habarlaıdy QazAqparat tilshisi.

«Jaǵympazdarǵa qatysty aıtar bolsaq, men oǵan qarsymyn. Men múldem basqa ortada tárbıelendim. Maqtaý, madaqtaý degen atymen bolǵan joq. Ondaıdy qolpashtaý týraly áńgime aıtýdyń ózi artyq shyǵar.. Olaı eshqashan da bolǵan emes. Degenmen bizdiń zııaly qaýymdy ózgertý qıyn. Olar - basqa jaǵdaıda tárbıe alǵan jandar», - dedi Qasym-Jomart Toqaev «Habar 24» telearnasyna bergen suhbat barysynda.

Buǵan deıin Memleket basshysy Almaty qalasynyń ákimi Baqytjan Saǵyntaevty ornyna alýǵa qatysty pikir bildirgen edi.

Sondaı-aq, Qasym-Jomart Toqaev Almaty qalasy ataýynyń ózgertýge qatysty túsinik berdi .