Qasym-Jomart Toqaev UQShU elderiniń basshylaryna alǵys aıtty

NUR-SULTAN. QazAqparat – QR Prezıenti Qasym-Jomart Toqaev UQShU Ujymdyq qaýipsizdik keńesiniń kezekten tys sessııasynda uıymǵa múshe elderdiń basshylaryna alǵys aıtty, dep habarlaıdy QazAqparat tilshisi.

«Tóraǵamyz Nıkola Vovaevıch Pashınıanǵa qajetti qujattardy daıyndaý men uıymdastyrý boıynsha jedel jumys istegeni úshin alǵys aıtqym keledi. Reseı Federatsııasynyń Prezıdenti Vladımır Vladımırovıch Pýtınge túsinistik tanytyp, UQShU-nyń bitimgerlik kontıngentin jiberý boıynsha máseleni tez sheshkeni úshin erekshe alǵys bildiremin. Vladımır Vladımırovıch, biz sizben elimizge terrorıstik shabýyldar bastalǵan alǵashqy kúnnen bastap baılanysta boldyq», - dedi Prezıdent.

Sondaı-aq, ol uıymǵa múshe elderge saıası jáne jaýyngerlik baýyrlastyq tanytqany úshin rızalyǵyn bildirdi.

«Aleksandr Grıgorevıch Lýkashenkoǵa, Sadyr Nurǵoja Japarovqa, Emomalı Sharıpovıch Rahmonovqa saıası, tipti jaýyngerlik baýyrlastyq úshin rahmet aıtamyn.

Búgin bizde Qazaqstandaǵy tragedııa kúnderi qaıtys bolǵandardy eske alýǵa arnalǵan jalpyulttyq aza tutý kúni. Sizderge osy oqıǵa boıynsha qaıǵymyzdy bóliskenderińiz úshin shyn júrekten rızamyn.

UQShU bas hatshysy Stanıslav Vasılevıch Zaske, hatshylyqtyń barsha jumylǵan ujymyna, uıymymyzdyń birlesken shtabyna erekshe alǵys aıtamyn», - dedi Memleket basshysy.

Eske salsaq, Mańǵystaý oblysyndaǵy beıbit sherýdiń jalǵasy birqatar óńirde jappaı tártipsizdikke ulasyp, QR Prezıdenti Qasym-Jomart Toqaev Ujymdyq qaýipsizdik shart uıymyna múshe elderdiń basshylarynan terrorlyq syn-qaterdi eńserý úshin kómek suraǵan bolatyn.

10 qańtar kúni QR Qorǵanys mınıstrligi men UQShU Ujymdyq bitimgershilik kúshter qolbasshylyǵy málimdeme jasady.

Búgin QR Memlekettik hatshysy Erlan Qarın Mańǵystaý oblysynda UQShU áskeri ornalasqan degen aqparatty joqqa shyǵardy.

Onyń aıtýynsha, UQShU áskeri daǵdarys aıaqtalǵannan keıin elderine qaıtady.