Qasym-Jomart Toqaev Shveıtsarııaǵa EKSPO-2017 kórmesine qatysqany úshin alǵys aıtty

ASTANA. QazAqparat - Parlament Senatynyń tóraǵasy Qasym-Jomart Toqaev Shveıtsarııanyń federaldy syrtqy ister keńesshisi (mınıstri) Dıde Býrkhaltermen kezdesti. Bul týraly «QazAqparat» HAA palatanyń baspasóz qyzmetine silteme jasap habarlaıdy.

K. Toqaev «jasyl» ekonomıka jáne balamaly energetıka salasyndaǵy álemdik kóshbasshylardyń biri Shveıtsarııaǵa «EKSPO-2017» halyqaralyq mamandandyrylǵan kórmesine belsendi qatysqany úshin alǵys bildirdi.

Senat spıkeri Qazaqstannyń Shveıtsarııany Eýropadaǵy mańyzdy ári senimdi seriktesi dep esepteıtinin atap ótti. Ekijaqty yntymaqtastyq belsendi saıası dıalog, aýqymdy saýda-ekonomıkalyq, ınvestıtsııalyq jáne gýmanıtarlyq baılanystardy qamtıdy.

Kezdesý barysynda ekijaqty baılanystar men EQYU Parlamenttik assambleıasyn qosqanda, halyqaralyq uıymdar aıasynda mańyzdy ról atqaratyn parlamentaralyq dıalogty nyǵaıtýdyń keleshegi qaraldy.

Sonymen birge, K. Toqaev pen Shveıtsarııa syrtqy saıası mekemesiniń basshysy EQYU jaýapkershilik aımaǵyndaǵy uzaqqa sozylǵan shıelenisterge qatysty birqatar máselelerdi talqylady.