Qasym-Jomart Toqaev Saýd Arabııasynyń Taq muragerimen kezdesti
Prezıdent Qasym-Jomart Toqaev Saýd Arabııasynyń Taq murageri, Premer-mınıstri Muhammed ben Salman ben Ábdelazız Ál Saýdqa iltıpat bildire otyryp, «Ortalyq Azııa + Shyǵanaqtaǵy arab memleketteriniń yntymaqtastyq keńesi» atty memleketter basshylarynyń birinshi sammıtine qatysýǵa shaqyrǵany jáne qonaqjaılyq kórsetkeni úshin alǵys aıtty.
Qasym-Jomart Toqaev Saýd Arabııasy Qazaqstannyń ıslam jáne arab álemindegi negizgi strategııalyq seriktesi ekenin atap ótti.
Kezdesý barysynda saýda-ekonomıka, ınvestıtsııa, energetıka, «jasyl» energetıka, týrızm, aýyl sharýashylyǵy jáne kólik-logıstıka salalaryndaǵy yntymaqtastyq máseleleri qarastyryldy.
Óz kezeginde Taq murageri Muhammed ben Salman ben Ábdelazız Ál Saýd Qazaqstan Saýd Arabııasynyń Ortalyq Azııa aımaǵyndaǵy mańyzdy ári senimdi seriktesi ekenin atap ótti.
Onyń aıtýynsha, saýda-ekonomıkalyq jáne ınvestıtsııalyq baılanystardy odan ári damytyp, nyǵaıtý úshin mol áleýet bar. Sondaı-aq ol ekijaqty qatynastardy jańa deńgeıge kóterý úshin kúsh salýǵa nıetti ekenin jetkizdi.
