Qasym-Jomart Toqaev muǵalim tapshy óńirlerdiń máselesin sheshýdiń jańa tásilin usyndy
«Sapaly bilimge qoljetimdilikti arttyrý sózsiz basym baǵyt bolyp tabylady. Bul – búkil qoǵam damýynyń asa mańyzdy faktory. Biz mektepterdi qalaı materıaldyq jaǵynan qamtamasyz etsek te, bilim sapasyn jaqsy muǵalimdersiz kóterý múmkin emes», -dedi Qasym-Jomart Toqaev QR Parlamenti Májilisiniń otyrysynda.
Sondaı-aq, ol muǵalim tapshy óńirlerge úzdik pedagogtardy tartýdyń jańa tásilin usyndy.
«Uly Ahmet Baıtursynuly aıtqandaı, muǵalim –mekteptiń júregi. Sondyqtan men muǵalimder tapshylyǵy bar óńirlerge úzdik pedagogtardy tartýdyń arnaıy qoldaý paketteri bar arnaıy baǵdarlamasyn ázirleýdi tapsyramyn», - dedi Memleket basshysy.
Eske salsaq, QR Prezıdenti Qasym-Jomart Toqaev Parlament Májilisiniń otyrysynda QR Premer-Mınıstri laýazymyna Álıhan Smaıylovtyń kandıdatýrasyn usynyp, ony Májilis qabyldady.
Prezıdent jýyqta Qazaqstandy saıası transformatsııalaý jónindegi jańa usynystaryn jarııalaıtynyn aıtqan.
Sondaı-aq, ol 7 qańtarda halyqqa jasaǵan úndeýinde Úkimetke búgingi Májilis otyrysynda natqy tapsyrmalar beretinin aıtqan edi.
«Úkimet meniń 11 qańtarda Májiliste aıtatyn sózime qatysty naqty sheshimder qabyldaýy kerek», -degen Memleket basshysy.
