«Qastek» pen «Jambyl» shekara bólimshelerine mobıldi kazarmalar satyp alynady
«Memleket basshysynyń 2020 jylǵy 4 maýsymdaǵy UQK alqasynyń otyrysynda berilgen tapsyrmalaryn iske asyrý aıasynda Almaty jáne Shymkent qalalarynyń, sondaı-aq shekara mańy oblystarynyń ákimdikteri 2020-2024 jyldarǵa arnalǵan jol kartalaryn bekitti», - dep atap ótedi Úkimet basshysy jaýabynda.
Premer-Mınıstrdiń dereginshe, jol kartalary aıasynda 578 is-shara kózdelgen. Onyń ishinde shekaralyq obektilerdi jóndeý, gazdandyrý, elektrlendirý jáne sýmen jabdyqtaý boıynsha is-sharalar iske asyrylýda. Atap aıtqanda, Almaty oblysynyń ákimdigi bekitken shekaralyq ınfraqurylym obektilerin damytý jónindegi Jol kartasynda 120 is-shara kózdelgen. Qazirgi ýaqytta jalpy somasy 342 mln teńgege 4 is-shara iske asyryldy.
«Budan basqa, osy jyly Almaty oblysynyń «Qastek» jáne «Jambyl» shekara bólimsheleri úshin quny 870 mln teńge bolatyn mobıldi kazarmalardy satyp alý kózdelgen. Sonymen qatar, jergilikti atqarýshy organdar jóndeýge qarjy qarajatyn kózdemegen birqatar shekaralyq ınfraqurylym obektileri boıynsha UQK ShQ odan ári qarjylandyrý úshin olardy óz balansyna qaıtarý boıynsha jumys júrgizilýde. Tutastaı alǵanda shekaralyq ınfraqurylymdy damytý máseleleri ýákiletti memlekettik organdardyń baqylaýynda bolady jáne 2023 jyly Úkimet janyndaǵy Memlekettik shekara komıssııasynyń otyrysynda qaraýǵa josparlanady», - dedi Álıhan Smaıylov.
