Kásipqoı boks: Jánibek Álimhanuly álemdik reıtıngide bir saty joǵarylady
ASTANA. KAZINFORM — Orta salmaqta WBO jáne IBF nusqasy boıynsha álem chempıony, qazaqstandyq kásipqoı boksshy Jánibek Álimhanuly (17-0, 12KO) kezekti jeńisinen keıin álemdik reıtıngide joǵarylady.
BoxRec portalyndaǵy aqparatqa sáıkes, Jánibek reıtıngide bir saty joǵarylap, 857 upaımen orta salmaqta ekinshi orynǵa jaıǵasty. Bul salmaqta kýbalyq amerıkalyq boksshy Erıslandı Lara (31-3-3, 19KO) kósh bastasa, anglııalyq boksshy kishi Krıs ıÝbank (34-3, 25KO) úzdik úshtikti túıindedi.
Jánibektiń sońǵy qarsylasy frantsııalyq Anaýel Ngamıssınge (14-1, 9 KO) reıtıngide úsh satyǵa tómendep, qazirgi ýaqytta 12-shi orynnan kórindi.
Aıta keterligi, Jánibek BoxRec portalynyń barlyq salmaq kategorııasy boıynsha álem reıtıngisinde 18-shi orynǵa jaıǵasty. Kósh basynda japondyq Naoıa Inoýe, amerıkalyq Terens Kroýford jáne reseılik Dmıtrıı Bıvol tur.
Eske salaıyq, Jánibek Álimhanuly 5 sáýir kúni Astanada ótip jatqan «Battle of the Brave» boks keshiniń basty jekpe-jeginde frantsııalyq qarsylasyn 5-raýndta nokaýtpen jeńip, chempıondyq beldikterin sátti qorǵady.
Memleket basshysy Qasym-Jomart Toqaev sportshyny jeńisimen quttyqtady.