Kásipkerlerge arnalǵan biryńǵaı baılanys ortalyǵy iske qosylady

ASTANA.KAZINFORM — 2026 jylǵy 1 qańtardan bastap «Damý» qorynyń janynda «Báıterek» holdınginiń «Biryńǵaı baılanys ortalyǵy» jumys isteı bastaıdy. 

Endi kásipkerler holdıngtiń barlyq enshiles kompanııasyna qatysty suraqtaryna jaýapty bir jerden alady.

1408 biryńǵaı nómiri buryn tek «Damý» qorynyń baǵdarlamalary boıynsha ǵana konsýltatsııa berse, endi basqa da memlekettik baǵdarlamalar boıynsha da aqparattandyrady. Atap aıtqanda:

«Damý» kásipkerlikti damytý qory» AQ
«Ónerkásipti damytý qory» AQ
«Eksport-kredıt agenttigi» AQ
«Qazaqstannyń Damý Banki» AQ
«Qazaqstan Investment Corporation» AQ
«Qazaqstannyń turǵyn úı kompanııasy» AQ — zań máseleleri boıynsha
«Agrarlyq nesıe korporatsııasy» AQ
«QazAgroQarjy» AQ sekildi holdıngtiń enshiles kompanııalary suraqqa jaýap berýge daıyn

Baılanys ortalyǵynyń operatorlary qazir jumys istep turǵan baǵdarlamalardy tańdaýǵa kómektesedi jáne qajet bolǵan jaǵdaıda naqty mamandarǵa qosady. 

— «Biryńǵaı baılanys ortalyǵy» — kásipkerlerge aqparat izdeýge jáne damý ınstıtýttarymen ózara is-qımyldy neǵurlym yńǵaıly jáne túsinikti etýge, izdenýge az ýaqyt jumsaýǵa baǵyttalǵan. Joba «Báıterek» holdınginiń tsıfrlandyrý strategııasy aıasynda júzege asyrylyp jatyr jáne klıentterge degen servısti damytýdaǵy mańyzdy qadam, — delingen Ekonomıka mınıstrligi taratqan habarlamada. 

Aıta ketelik bıyl «Báıterek» holdıngi arqyly ShOB-ty qoldaý kólemi shamamen eki trln teńgege jetken edi.