Elimizde shaǵyn jáne orta bıznes nesıesine sýbsıdııa berile bastady

ASTANA. KAZINFORM — Shaǵyn jáne orta bıznestiń qabyldanǵan jobalaryna sýbsıdııa tóleý úshin Úkimet qarajat bóldi. Al «Damý» Qory kásipkerlerge qarajat aýdarýǵa kiristi. Bul týraly Ulttyq ekonomıka mınıstrligi málim etti.

— Qazir memleket qajet qarajatty tolyq bóldi. Osy jyldyń sońyna deıin biz moınymyzdaǵy mindettemelerimizdi tolyq oryndap bitemiz. Qordalanǵan bereshekter qazirdiń ózinde ótelip jatyr, al ShOB buǵan deıin tólegen paıyzdar boıynsha sýbsıdııa ala bastaıdy. Bankterge barlyq tólemder tolyq aýdarylady. Osylaısha, bereshekke baılanysty ShOB máseleleri tolyq sheshiledi. Jyl sońyna deıin biz barlyq mindettemelerdi oryndaımyz, — dedi Qordyń Basqarma tóraǵasynyń orynbasary Talǵat Smaǵulov.

Bul rette 2025 jyl ishinde kidirister barlyq óńirde birdeı bolmaǵanyn atap ótý mańyzdy. Atap aıtqanda, Almatyda Jergilikti atqarýshy organnyń qoldaýynyń arqasynda ýaqtyly tólenip keldi.

Buǵan deıin habarlanǵandaı, shaǵyn jáne orta bıznes shyǵaratyn ónim kólemi 25% ósken.