Kaspi Pay arqyly jalǵan tólem túbirtegin jiberip aqsha urlaǵan alaıaq ustaldy
BQO polıtsııa departamentiniń baspasóz qyzmetinen málim etkenindeı, 2003 jylǵy turǵyn oblys aýmaǵynda bir aıdan astam ýaqyt boıy ǵalamtor arqyly alaıaqtyq jasaǵan.
Ony jedel izdestirý is-sharalary barysynda Abaı polıtsııa bóliminiń qyzmetkerleri qolǵa túsirdi.
«Kúdikti Kaspi Pay mobıldi qosymshasyn paıdalanyp, áreket jasaǵan. Bul – alaıaqtyqtyń jańa túrleriniń biri. Munda alaıaq kommýnaldyq qyzmet ókili retinde Kaspi mobıldi qosymshasynyń tólemder bóliminde eskertýler men tólem shottaryn jiberedi. Jábirlenýshiler tóleý batyrmasyn basqan kezde aqsha alaıaqtardyń shotyna túsedi. Osylaısha, atalǵan alaıaq turǵyndardyń 300 myń teńgesin qymqyryp úlgergen. Qazirgi kezde onyń basqa da qylmystarǵa qatysy bar-joǵy anyqtalý ústinde. Atalǵan derek boıynsha QR QK 190-baby 2-bóligi boıynsha sotqa deıingi tergeý amaldary júrgizilýde. BQO polıtsııa departamenti turǵyndarǵa tólemder men aýdarymdar boıynsha qandaı da bolmasyn operatsııa jasaý kezinde derektemelerge muqııat nazar aýdaryp, qaıta tekserý qajettigin eske salady», dep habarlady vedomstvodan.
