Kaspi Bank burynǵy qyzmetkeri týraly aqparatqa 10 mln teńge bermek
Pavlodar qalasynda Kaspi Bank qyzmetkeri bolǵan Rýslan Seksembaev bank klıentterin kepildegi jyljymaıtyn múlikti satyp alýǵa kómektesemin degen ýádemen óziniń shotyna qarajat aýdartyp otyrǵan.
«Qazir polıtsııa izdeý jumystaryn júrgizip jatyr. Kaspi qylmyskerdi taýyp, jazalaý, klıentterdiń múddelerin qorǵaý maqsatynda quqyq qorǵaý organdarymen belsendi jumys júrgizýde. Alaıaqtyń qazirgi ornalasqan jeri týraly aqparat úshin Kaspi 10 000 000 teńge mólsherinde syıaqy taǵaıyndaıdy», - delingen habarlamada.
Bank ókilderi kúdikti týraly derekterdi +7 705 211 16 93 telefon nómiri arqyly Kaspi-diń qaýipsizdik qyzmetine habarlaýǵa bolatynyn aıtyp otyr.
«Eger siz nemese sizdiń jaqyndaryńyz osy adamnyń áreketterinen zardap shekseńizder, Pavlodar qalasynyń quqyq qorǵaý organdaryna aryzben júginýińizdi suraımyz. Bankpen jasalatyn barlyq qarjylyq qatynastardyń shartpen bekitiletinin esterińizge salamyz. Bank eshqashan bireýdiń shotyna qarajat aýdarýdy talap etpeıdi», - delingen aqparatta.
