Qaskeleń qalasynyń bazaryndaǵy órt sóndirildi

QONAEV. KAZINFORM - Almaty oblysy Qaskeleń qalasynyń bazarynan shyqqan órt sóndirildi.

Almaty oblysy TJD málimetine sáıkes, tilsiz jaý týraly qońyraý 15:44-te tústi. Al 15:49-da oqıǵa ornynda jetken alǵashqy TJD brıgadasy qurylys zattary saqtalǵan qoımanyń órtengenin anyqtaǵan. Keıin oqıǵa ornynda órt sóndirý jedel shtaby uıymdastyrylǵan.

Barlyǵy oblystan 48 qutqarýshy men 48 birlik tehnıka, Almaty qalasynan 8 adam men 2 birlik tehnıka jumyldyryldy. 

- Qabyldanǵan sharalardyń arqasynda 18:23-te 500 sharshy metr alańdy sharpyǵan ot sóndirildi, - dep habarlady TJD baspasóz qyzmeti.

Eske salaıyq, buǵan deıin Almaty oblysy Qaskeleń qalasyndaǵy bazardan órt shyqqanyn jazǵan edik.