Kásiporyndar termometrdiń ornyna qatelesip tehnıkalyq pırometr alyp jatyr
Bul týraly Nur-Sultan qalasy Taýarlar men qyzmetterdiń qaýipsizdigi men sapasyn baqylaý departamenti Jumys orny men kommýnıkatsııalyq nysandardaǵy juqpaly aýrýlar boıynsha qadaǵalaý bóliminiń basshysy Gúlnar Qalıeva aıtyp berdi.
«Qyzý ólsheýdiń eki túri bar. Onyń bireýi - denege janaspaıtyn, adamnyń qyzýyn ólsheıtin termometr bolsa, ekinshisi - óndiristik jáne ónerkásiptik maqsatta paıdalanylatyn, qurylys materıaldarynyń qyzýyn ólsheıtin pırometr», - dep túsindirdi spıker «Atameken» ulttyq kásipkerler palatasy júrgizgen onlaın brıfıngte.
Onyń aıtýynsha, tehnıkalyq pırometr adamnyń dene qyzýy qate kórsetýi múmkin.
«Adamnyń dene qyzýyn ólsheýge arnalǵan qurylǵyny satyp alý qajet. Bul - óte mańyzdy aspekt, ókinishke qaraı kóptegen kásiporyndar osy ekeýin shatastyryp, pırometr satyp alǵan. Tehnıkalyq pırometr adamnyń dene qyzýyn ólshegende shamamen 2 gradýsqa aýytqıdy. Adam boıyndaǵy 2 gradýstyń ózi qandaı mańyzdy ekenin bári biledi», - dedi ol.
Buǵan deıin Gúlnar Qalıeva 20 sáýirden bastap qaıta ashylatyn kásiporyndarǵa qandaı talaptar qoıylatynyn túsindirgen edi.