Qasym-Jomart Toqaev Vladımır Pýtınmen telefon arqyly sóılesti

ASTANA. KAZINFORM - Memleket basshysy Qasym-Jomart Toqaev Reseı Prezıdenti Vladımır Pýtınmen telefon arqyly sóılesti, dep habarlaıdy Aqordanyń baspasóz qyzmeti. 

Áńgimelesý barysynda memleketter basshylary strategııalyq seriktestik pen odaqtastyq rýhyndaǵy ekijaqty ári kópjosparly yntymaqtastyqtyń qarqyndy damyp kele jatqanyna nazar aýdardy.

Taraptar Reseı Prezıdentiniń byltyr qarasha aıynda Astanaǵa jasaǵan resmı sapary jáne Qasym-Jomart Toqaevtyń jýyrda Qazan qalasyna jumys sapary aıasynda qol jetkizilgen ýaǵdalastyqtardyń júzege asyrylý barysyn talqylady. Sonymen qatar energetıka, tranzıt jáne logıstıka salalaryndaǵy birlesken jobalardy tıimdi túrde ilgeriletý mańyzdy ekeni atap ótildi.

Memleketter basshylary halyqaralyq kún tártibindegi ózekti máseleler jóninde pikir almasty.