Qasym-Jomart Toqaev Vladımır Pýtınmen aldaǵy kezdesýi týraly aıtty
Reseılik «Izvestııa» gazetine suhbat bergen Qasym-Jomart Toqaev Reseı Prezıdenti Vladımır Pýtınmen Astanada ótetin kezdesýinde talqylanatyn kún tártibindegi máseleler aýqymdy ekenin atap ótti. Bul týraly Kazinform agenttigi habarlaıdy.
«Biz ekijaqty saıası, saýda-ekonomıkalyq, mádenı-gýmanıtarlyq seriktestikti egjeı-tegjeıli talqylaýdy josparlap otyrmyz. Halyqaralyq uıymdar men ıntegratsııalyq qurylymdar aıasynda ózara áreket etý aspektilerin qarastyramyz. Qazirgi ahýal, halyqaralyq jaǵdaıdy damytý negizderi týraly pikir almasamyz. Baǵdarlamanyń taǵy bir bóligi – Óńiraralyq yntymaqtastyq forýmyna qatysý. Bul – eki eldiń aımaqtary men kásipkerleri arasyndaǵy baılanysty nyǵaıtýǵa septigin tıgizetin erekshe ári tıimdi format. Bıyl biz Qostanaı qalasynda forýmdy 19-shy ret ótkizemiz. Іs-shara taqyryby – aýyl sharýashylyǵy salasyndaǵy seriktestik. Reseı Prezıdentiniń Qazaqstanǵa sapary men forým sátti jáne jemisti bolatynyna senimdimin», - dep atap ótti Qasym-Jomart Toqaev.
