Qasym-Jomart Toqaev Túrikmenstan Prezıdentimen telefon arqyly sóılesti

ASTANA. KAZINFORM - Qasym-Jomart Toqaev Túrikmenstan Prezıdenti Serdar Berdimuhamedovpen telefon arqyly sóılesti, dep habarlaıdy Aqordanyń baspasóz qyzmeti. 

Memleketter basshylary qazaq-túrikmen qatynastarynyń qarqyndy damyp kele jatqanyna nazar aýdaryp, Qazaqstan Prezıdentiniń bıyl kúzde Túrikmenstanǵa josparlanǵan saparynyń daıyndyq barysyn talqylady.

Áńgimelesý barysynda kólik-logıstıka, energetıka, mádenı-gýmanıtarlyq jáne basqa da salalardaǵy ekijaqty yntymaqtastyqty odan ári nyǵaıtýdyń mańyzdy ekeni atap ótildi.

Aıta keteıik, búgin Memleket basshysy Ózbekstan Prezıdentiniń kómekshisi Saıda Mırzıeevany qabyldady.

Kezdesý barysynda eki el arasyndaǵy kópjaqty seriktestikti odan ári ilgeriletýge qatysty ózekti máseleler talqylandy.