Qasym-Jomart Toqaev: Men – memleketshil adammyn

ASTANA. KAZINFORM – Mátinmen jumys isteýde nashar stıldi, ásirese, árip qatesin sýqanym súımeıdi. Bul týraly «Turkistan» gazetine suhbat bergen Memleket basshysy Qasym-Jomart Toqaev aıtty.

– Men 1975 jyly KSRO syrtqy ister mınıstrliginiń tabaldyryǵyn alǵash ret attadym, memlekettik qyzmetke kelgenime byltyr 50 jyl boldy. Alǵashqy mamandyǵym boıynsha men – qytaıtanýshymyn. Bul kásip aıryqsha tabandylyqty qajet etedi. Shynymen de, mátinmen jumys isteýge ábden daǵdylanǵanmyn, nashar stıldi, ásirese, árip qatesin sýqanym súımeıdi.

Joldaýlarymdy, sóıleıtin sózderimdi, maqalalarymdy, tipti, áriptesterime joldanatyn hattardyń bárin tikeleı ózim qaraıtynymdy apparattaǵylardyń barlyǵy biledi, - dedi Prezıdent.

Memleket basshysy sanaly ǵumyry temirdeı tártipti, zor jaýapkershilikti, júıeli jumys isteýdi talap etetin memlekettik qyzmette ótip kele jatqanyn aıtty.

- Munyń bári meniń minez-qulqym men dúnıetanymyma óz áserin tıgizdi. Sondyqtan, «Siz kimsiz?» degen sıpattaǵy saýalyńyzǵa qysqasha ǵana «men – memleketshil adammyn» dep jaýap bereıin, - dedi Qasym-Jomart Toqaev.

Aıta keteıik, búgin Turkistan» gazetinde Memleket basshysy Qasym-Jomart Toqaevtyń atalǵan basylymnyń bas redaktory, belgili aqyn, pýblıtsıst Baýyrjan Babajanulyna bergen keń kólemdi suhbaty jarııalandy.