Qasym-Jomart Toqaev el ekonomıkasyn jańǵyrtý týraly 2007 jylǵy Jarlyqqa ózgeris engizdi
ASTANA. KAZINFORM — Memleket basshysy Qasym-Jomart Toqaev «Qazaqstan Respýblıkasynyń ekonomıkasyn jańǵyrtý jónindegi sharalar týraly» QR Prezıdentiniń 2007 jylǵy 13 sáýirdegi № 314 Jarlyǵyna ózgerister engizdi.
— «Qazaqstan Respýblıkasynyń ekonomıkasyn jańǵyrtý jónindegi sharalar týraly» Qazaqstan Respýblıkasy Prezıdentiniń 2007 jylǵy 13 sáýirdegi № 314 Jarlyǵyna mynadaı ózgerister engizilsin: joǵaryda kórsetilgen Jarlyqpen bekitilgen Qazaqstan Respýblıkasynyń ekonomıkasyn jańǵyrtý máseleleri jónindegi memlekettik komıssııa týraly erejede: 6-tarmaqtyń 2) tarmaqshasy mynadaı redaktsııada jazylsyn: «2) Memlekettik komıssııa qabyldaǵan sheshimderdi iske asyrý jóninde memlekettik organdar men ózge de uıymdar qabyldaıtyn sharalarǵa monıtorıng júrgizedi, — delingen Prezıdent Jarlyǵynda.
Sondaı-aq 11-tarmaq mynadaı redaktsııada jazyldy:
11. Memlekettik komıssııa tóraǵasynyń sheshimi men jumys organynyń usynystary boıynsha kezekten tys otyrystar shaqyrylýy múmkin, olardyń qaraýyna jospardan tys máseleler shyǵarylady. Kezekten tys otyrys ótkiziletin kún, oǵan shyǵarylatyn máseleler boıynsha materıaldardy usyný jáne Memlekettik komıssııa músheleriniń óz qatysýyn rastaý merzimderi Memlekettik komıssııa tóraǵasynyń kezekten tys otyrysty shaqyrý týraly sheshiminde aıqyndalady. Memlekettik komıssııa tóraǵasynyń tapsyrmasy boıynsha syrttaı daýys berýge bastama jasaý arqyly jospardan tys máselelerdi shyǵarýǵa jáne qaraýǵa jol beriledi. Memlekettik komıssııa músheleriniń syrttaı daýys berýge usynylǵan hattama al 17-tarmaq mynadaı redaktsııada jazyldy:
17. Memlekettik komıssııanyń sheshimderi onyń otyrysqa qatysyp otyrǵan músheleriniń jalpy sanynyń kópshilik daýsymen qabyldanady jáne júrgizilgen stenogramma negizinde hattamamen resimdeledi. Memlekettik komıssııa músheleriniń daýystary teń bolǵan kezde tóraǵalyq etýshi bergen daýys sheshýshi bolyp tabylady. Memlekettik komıssııa hattamasynyń kóshirmeleri Memlekettik komıssııanyń barlyq múshelerine jáne múddeli memlekettik organdarǵa jiberiledi“.
Joǵaryda atalǵan Jarlyqpen bekitilgen Qazaqstan Respýblıkasynyń ekonomıkasyn jańǵyrtý máseleleri jónindegi memlekettik komıssııanyń laýazymdyq quramy jańa redaktsııada jazyldy.
Qazaqstan Respýblıkasynyń ekonomıkasyn jańǵyrtý máseleleri jónindegi memlekettik komıssııanyń laýazymdyq quramy mynadaı:
- Qazaqstan Respýblıkasynyń Premer-Mınıstri, tóraǵa
- Qazaqstan Respýblıkasy Ulttyq Bankiniń Tóraǵasy
- „Samuryq-Qazyna“ ulttyq ál-aýqat qory» aktsıonerlik qoǵamynyń basqarma tóraǵasy (kelisim boıynsha)
- jetekshilik etetin máseleleri boıynsha Qazaqstan Respýblıkasy Premer-Mınıstriniń orynbasarlary
- Qazaqstan Respýblıkasy Premer-Mınıstriniń orynbasary — Úkimet Apparatynyń Basshysy
- Qazaqstan Respýblıkasy Premer-Mınıstriniń orynbasary — Ulttyq ekonomıka mınıstri
- Qazaqstan Respýblıkasy Prezıdentiniń ekonomıkalyq máseleler jónindegi kómekshisi
- Qazaqstan Respýblıkasynyń Kólik mınıstri
- Qazaqstan Respýblıkasynyń Qarjy mınıstri
- Qazaqstan Respýblıkasynyń Ónerkásip jáne qurylys mınıstri
Memleket basshysy Jarlyqqa 25 sáýir kúni qol qoıdy jáne sol kúnnen bastap qoldanysqa engizildi.
Aıta keteıik, buǵan deıin Memleket basshysy «Uly Otan soǵysyndaǵy Jeńiske 80 jyl» medali týraly Jarlyqqa qol qoıdy.