Qasym-Jomart Toqaev: Alǵashqy Jarlyǵym aýyldy damytýǵa arnaldy
ASTANA. KAZINFORM – Qasym-Jomart Toqaev aýyl ákimderiniń basqosýynda alǵashqy Jarlyǵynyń aýyldy damytýǵa arnalǵanyn eske saldy.
«Aýyl – tól órkenıetimizdiń altyn qazyǵy. Aýyldy órkendetý – barshaǵa ortaq paryz. Memleket bul máselege erekshe jaýapkershilikpen qaraıdy. Ózderińiz bilesizder, 2022 jyly halyqqa usynǵan saılaý aldyndaǵy baǵdarlamada aýyl máselesine aıryqsha nazar aýdardym.
Alǵashqy Jarlyǵym da aýyldy damytýǵa arnaldy. Soǵan sáıkes Qazaqstan Respýblıkasynyń aýyldyq aýmaqtaryn damytýdyń 2023-2027 jyldarǵa arnalǵan tujyrymdamasy ázirlendi. Qazirgi tańda osy qujatqa saı naqty jumys atqarylyp jatyr.
Jýyrda ǵana Aýyl eńbekkerleriniń ekinshi forýmyn ótkizip, osy saladaǵy ózekti máselelerdi qaradyq. Al búgin aýyl-aımaqtardyń damý baǵdaryn aıqyndaımyz. Bul – memlekettiń aldynda turǵan strategııalyq mindettiń biri», - dedi Memleket basshysy.
Aıta keteıik, Prezıdent kadr quramyn jańartý úderisi bıliktiń búkil tarmaǵynda júrgizilip jatqanyn aıtty.