Qashaǵan ken orny ashylǵaly 115 mln tonna munaı óndirildi

ASTANA. KAZINFORM – «Nort Kaspıan Opereıtıng Kompanı N.V.» JShS (NCOC) basqarýshy dırektory Djankarlo Rýıý Qashaǵan ken ornyndaǵy kompanııa jumysy týraly aıtyp berdi.

«Қашаған» кен орнының нысандарында техникалық жұмыстар басталды
Фото: NCOC компаниясы

Búgin Májilistiń Ekologııa máseleleri jáne tabıǵat paıdalaný komıteti Soltústik Kaspıı (Qashaǵan) jobasy boıynsha elishilik qundylyqty damytý jáne otandyq óndirýshilerdi qoldaý máselesin qarap jatyr.

− Qashaǵan ken orny iske qosylǵan sátten bastap, 115 mıllıon tonnadan astam eksporttyq munaı, 70 mıllıard tekshe metrden astam gaz jáne 10 mıllıon tonnadan astam kúkirt óndirildi, - dedi Djankarlo Rýıý Májiliste ótken dóńgelek ústelde.

Onyń aıtýynsha, sońǵy birneshe jylda aýqymdy jumystar atqaryldy.

– Biz óte mańyzdy jabdyqty aýystyrdyq. Jalpy, ken ornyndaǵy jumys qaýipsiz júrip jatyr, eshqandaı aýyr jaraqattar men oqys oqıǵalar tirkelgen joq. Túrli formadaǵy jergilikti qamtýǵa – taýarlar, jumystar men kórsetiletin qyzmetterge shamamen 18 mıllıard dollar baǵyttadyq. 2024 jylǵa kelsek, shamamen mıllıard dollar jergilikti qamtýǵa jumsaldy, – dep tolyqtyrdy kompanııa ókili.

Qańtar aıynda Qashaǵannan alǵashqy munaı partııasy Baký portyna jiberilgen edi.

Сейчас читают