KASE ındeksi 33,2 paıyzǵa ósti

ALMATY. KAZINFORM – Qazaqstan qor bırjasyndaǵy aktsııalardyń saýda-sattyq qorytyndysy boıynsha 2024 jyly KASE ındeksiniń máni 5 578,10 tarmaqqa deıin ósip, 33,2 paıyz boldy. Bul týraly Alına Aldambergen aıtty.

– Qor naryǵyn kapıtaldandyrý bir jylda 6,1 trln teńgege nemese 23 paıyzǵa ulǵaıyp, 32,9 trln teńgege (62,8 mlrd AQSh dollary) jetti, - dedi KASE basshysy Alına Aldambergen. 

5 jeltoqsanda Qazaqstannyń qor naryǵyn bildiretin ındıkator 5 624,38 kórsetkishine jetip, jańa tarıhı rekord ornatty. 

– Byltyr KASE ındeksi negizinen turaqty ósip otyrdy. Jeltoqsan aıynda maksımýmǵa jetkennen keıin ındıkator 5 488,77 tarmaqqa deıin tómendep, 2024 jyldyń sońǵy saýda kúnderinde qaıta kóterildi, - dep habarlady Qor bırajasynan.

KASE ındeksi aktsııalarynyń ósýiniń negizgi faktorlary – qarjylyq esepterdi jarııalaý jáne dıvıdendterdi tóleý. Indekstik aktsııalar boıynsha saýdanyń jalpy kólemi jyl sońynda 148,7 mlrd teńge boldy. 

Osyǵan deıin Qazaqstannyń qos qor bırjasy – Qazaqstan qor bırjasy (KASE) men Astana halyqaralyq bırjasynyń (AIX) qurylymy men qyzmeti ózgerissiz qalaǵany týraly jazǵan bolatynbyz.