KASE: Dollar arzandap, teńge nyǵaıdy

ALMATY. KAZINFORM – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy tómendedi.

KASE qor naryǵyndaǵy kúndizgi saýda qorytyndysy boıynsha, dollar baǵamy 3,63 teńgege arzandady.

Bir AQSh dollarynyń ortasha baǵamy – 499,76 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 503,6 teńgeden satylyp jatyr, satyp alý baǵamy — 500,7 teńge. Eýro 521 — 525 teńge aralyǵynda qubylyp tur.

Al, Astana qalasy boıynsha dollardy satý baǵamy — 506 teńge, satyp alý quny — 500 teńge. Eýro 526 teńgeden satylyp, 519 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,44 - 5,65 aralyǵynda saýdalanyp jatyr.

Ulttyq banktiń 20 aqpanǵa usynǵan resmı baǵamy — bir dollarǵa 503,61 teńge. Reseı rýbliniń ortasha saralanǵan quny — 5,58 teńge. Eýro — 524,96.

Osyǵan deıin Qazaqstan qarjygerler qaýymdastyǵy 2025 jyly dollar 545 teńgege deıin barýy múmkin ekenin aıtty.

Sondaı-aq Ulttyq bank valıýta aıyrbastaýdyń jańa erejesin bekitetinin málimdedi.

Qazaqstandyq ekonomıster teńgeniń nyǵaıýyna múmkindik bar ekenin aıtty.