Qarjy mınıstri bıýdjettiń kirisin qalaı arttyratynyn aıtty

NUR-SULTAN. QazAqparat – QR Qarjy mınıstri Erulan Jamaýbaev Úkimet úıinde ótken brıfıngide bıýdjettiń kirisin qalaı arttyrýǵa bolatynyn aıtty, dep habarlaıdy QazAqparat tilshisi.

«Qazir Qarjy mınıstrliginiń pysyqtaýynda 5 pılottyq joba jatyr. Olar taýardyń ilespe júkqujattaryn engizýge, aktsızdik taýarlardy markileýge, elektrondy shot-faktýralardy qoldana otyryp, qosymsha qun salyǵyn ákimshilendirýge, iri kásiporyndar úshin gorızantaldy monıtorıng engizýge jáne «Tax Free» jobasyna qatysty. Bul jobalarǵa bdjetten jeke qarajat qarastyrǵan joqpyz. Olar qoldanystaǵy aqparat júıeleriniń aıasynda iske asyrylady. Pılottyq jobalar jalpy kásipkerlermen keri baılanys ornatý úshin qolǵa alynyp otyr», - degen vedomstvo basshysy atalmysh jobalar zańnamalyq normalardy engizý kezinde kásipkerlerdiń qandaı qıyndyqtarǵa tap bolyp jatqanyn bilý úshin kerek ekenin atady.

«Jobalardyń tıimdiligine kelsek, Memleket basshysy bıýdjettiń kiris bóligin kóbeıtý boıynsha aldymyzǵa aıqyn mindet qoıdy. Biz bul tapsyrmany birinshi kezekte salyqtyq, kedendik ákimshilendirý júıesin jetildirý jáne tsıfrlandyrý arqyly oryndaımyz. Bul baǵytta úlken jumys isteldi. Sońǵy úsh jylda osy sharalardyń arqasynda bıýdjet qosymsha 2 trln teńgedeı kiris aldy», - dedi Erulan Jamaýbaev.